GMN TV Justica e Segurança Relatóriu PDHJ Janeiru-Jullu, violasaun ba governasaun di’ak 82

Relatóriu PDHJ Janeiru-Jullu, violasaun ba governasaun di’ak 82

0 views

Provedora dos Direitos Humanos e Justiça (PDHJ), Jesuina Maria Ferreira, informa, relatóriu PDHJ ba fulan Janeiru to’o Jullu tinan ne’e, PDHJ simu keixa hamutuk 134, ho natureza violasaun boa governasaun di’ak hamutuk 82 no violasaun direitu umanu hamutuk 52.

“Iha atualizasaun PDHJ ni’an husi fulan Janeiru to’o fulan Jullu, tinan ne’e, PDHJ simu keixa hamutuk 134, ho natureza violasaun ba boa governasaun hamutuk 82 no ho natureza violasaun direitu umanu hamutuk 52. Iha publikasaun relatóriu ne’e, PDHJ mós entrega relatóriu ho rekomendasaun sira ba reprezentante Komandante Jerál PNTL, Vise Ministru Óbras Públika (MOP) reprezentante ministru Óbras Públika no Ministériu Finansas”, PDHJ hato’o deklarasaun ne’e hafoin remata publikasaun relatóriu finál investigasaun ba kazu violasaun direitu umanu no iregularidade, iha salaun PDHJ, Caicoli-Díli, Kinta (23-07-2020).

Jesuina relata, publikasaun relatóriu investigasaun finál kazu violasaun direitu umanu no iregularidade administrasaun hamutuk 134 komete husi Autoridade Aduaneira, MOP Lautem, administrasaun suku iha munisípiu Bobonaro, no elementu Polísia Nasionál Timor-Leste (PNTL) iha munisípiu Ainaro, Baucau, Liquiça no Díli.

Iha relatóriu finál PDHJ konklui prosesu investigasaun ho total 134, maibé husi kazu sira ne’e kazu 10 mak PDHJ haree katak komete duni violasaun ba direitu umanu no boa governasaun.

“Violasaun ba direitu umanu hamutuk kazu 5 no kazu 4 komete husi oknum PNTL iha munisípiu Díli, Baucau, Ainaro, inklui 1 komete husi profesor iha munisípiu Ainaro, tanba halo agresaun hasoru estudante. Iregularidade kona-bá boa governasaun hamutuk 5 mak hanesan autoridade lokál halo kobransa illegál iha Bobonaro, autoridade lokal uza nia kompetensia hodi estraga komunidade nia to’os iha Liquiça, abuzu poder, mal administrasaun husi oknum PNTL iha munisípiu Manatutu”, tenik PDHJ ne’e.

Reprezentante Komandante Jerál PNTL, Superintendente Xefe José Soares, rekoñese, elementu PNTL balun komete duni áktu agresaun fíziku hasoru komunidade, tanba ne’e, ho rekomendasaun relatóriu ne’ebé iha bele eduka mós elementu seguransa sira, atu labele viola direitu sidadaun nian.

“PNTL rekoñese katak iha terenu dalabarak mosu atuasaun balun viola regra, maibé la alerjia ho relatóriu sira ne’e, maibé hanesan Timor-Oan laran nakloke hodi simu relatóriu no krítiku hirak ne’e, para atu bele hadia ita nia PNTL”, tenik José. San


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker