Hahu iha fulan Jullu, Rede Feto Timor-Leste (RFTL) sei desloka ba munisípiu 12, inklui Rejiaun Administrativa Oe-Cusse Ambeno (RAEOA), hodi halo análize ba jéneru, hodi haree ba impaktu empoderamentu ekonómiku ba feto benefisiária ba subsidiu Estadu Emerjénsia (EE).
“Partisipante análize ne’e inan-feton ho tipu, inan solteiras, viuvas, difisiensia, vendedoras ho eskala kiik, sobrevivente krime pasadu, violensa bazeia ba jenéru, inklui inan-feton sira ho orientasaun LBT”, dehan Prezidente RFTL, Judite Dias Ximenes, liu husi konferensia imprensa, Sesta (10/07/2020), iha Mascarenhas, Díli.
Prezidente RFTL ne'e haktuir, objetivu husi análize ne’e mak atu buka hatene inan feto sira nia asesu ba subsidiu ne’e rasik, inklui sira nia prosesu tomak no mós atu hatene kle'an oinsa impaktu husi osan subsidiu ne’ebé kada uma-kain simu hodi rekoopera sira nia ekonómia familia no subsidiu ne’e empodera duni ba feto nia ekonómia ka lae.
“Ami halo entrevista ba alvu sira nia metodu diskusaun grupu fokal ho alvu no mós ho autoridade lokal, inklui sosiedade sivil, tanba ne’e RFTL atu fó koñesimenu ba autoridade sira hanesan, PNTL, Asosiasaun Feto Potensial, Konsellu Suku no Asosiasaun Ema ho Defisiensia, atu fó apoiu ba servisu ne’e, hodi realiza programa monitorizasaun ba responde tuir alvu iha leten”.
Membru organizasaun Rede Feto, ne’ebé sei tun ba munisípiu 12, inklui RAEOA hodi halo análize hamutuk 14, ho durasaun ba análize durante fulan 4 no orsamentu ba programa refere hamutuk USD 106.780 ne’ebé hetan apoiu hosi UN WOMEN. Fel
