GMN TV Justica e Segurança Sergio Hornai: Presiza tan lei komplementár reforsa implementasaun lei MPCC

Sergio Hornai: Presiza tan lei komplementár reforsa implementasaun lei MPCC

0 views

Komisáriu Komisaun Anti Korupsaun (KAK), Sergio Hornai, hateten, maske projetu Lei Medida Prevensaun no Kombate Korupsaun (MPCC_sigla portugés) ne’e aprovadu iha Parlamentu Nasionál (PN), maibe presiza tan lei komplementár balun hodi reforsa prosesu implementasaun.

“Ita presiza lei protesaun de testamuñas, ita presiza iha lei denunsiante sira, ita presiza mós leis balun ne’ebé mak iha relasionamentu ba iha cyber crime ninian, para atu nune’e ita bele kontribui iha informasaun. Ita presiza mellora ita seidauk to’o iha kepuasan ida, maibe ho lei ne’e mai dezafia ita oinsa mak ite bele halo komplementalidade to’o iha momentu ida ita iha rekursu para bele resposta ba buat sira ne’e”, Sergio Hornai, asuntu ne’e iha PN, hafoin akompaña aprovasaun projetu Lei MPCC, Segunda lorokaik (20/07/2020).

Sergio Hornai hateten, meius ida atu prepara aan mak presiza reforsa rekursu humanu, kuadru nasionál, no tenke reforsa ho komunidade internasional, atu bele fó apoiu karik Timor-Leste ninia beran ka kbiit seidauk to’o iha ne’ebá.

“Entaun ita sei buka esforsu tomak oinsa mak ita bele kolabora instituisaun no entidade hotu, nune’e mós ita presiza halo atualizasaun ba iha servisu balun internal iha komisaun anti korupsaun ninian, liu-liu ba iha kareira profisionalizmu espesialista anti korupsaun ninian, hodi nune’e bele fó hatan ba iha ezijensia ka preokupasaun ne’ebé mak iha, kuandu lei ida ne’e tama iha entra em vigór”, afirma komisáriu KAK.

Tanba ne’e nia hatutan, sei organiza oinsa atu servisu maka’as atu bele halo komplementalidade, tantu konese kona-bá lei, divulgasaun, prepara rekursu hodi hatán ba iha preokupasaun ne’ebé mak la’o.

“Primeiru ita tenke halo aliñeasaun ba ita nia planu estratéjiku nasionál, ita hatúr iha planu tinan lima ninian, ita introduz ba iha planu asaun anual, depois ita tenke introduz ba planu trimestral, para atu bele orienta, konserteza presiza rekursu finanseiru ida ne’ebé natoon ba ema, ekipamentu no mós halo operasionaliza servisu sira ne’e,” tenik komisáriu, Sergio Hornai.

Nia esplika, iha kapítulu balun mak importante liu iha projetu lei MPCC ne’e, tanba ne’e komisaun sei servisu maka’as liutan atu bele implementa ho di’ak lei importante ne’e.

“Iha kapítulu tolu mak importante tebes, ida kona-bá medidas prevensaun oinsa mak ita iha polítika nasionál ida ba iha kombate kriminalidade korupsaun, iha segundu kapítulu ita destaka oinsa mak ita bele so’e ita nia enerjia tomak atu bele halo rejista ka halo deklarasaun de bens ba iha ita nia autoridad ekompetente sira, karik aban bainrua lei ne’e tama iha vígor, sira sei halo aprezentasaun de bens”, haktuir nia.

Nia sublinha, iha terseira pontu ne’e mak ko’alia kona-bá penalizasoens, ho ninia dispozisoens tranzitóriu sira ne’ebé mak halo konsiderasaun ba lei vizente sira ne’ebé iha tiha ona, no oinsa mak halo ajustamentu ba lei ne’e atu lei ne’e bele kompleta liu tan.

“Servisu ida ké sei maka’as, la’os ba de’it iha komisaun anti korupsaun, maibe servisu média nian mós hanesan autór, no ema ne’ebé iha primeira filleira atu bele deskoberta ba iha notisia krime sira ne’ebé mosu iha entidades públikus”, esklarese Sergio Hornai.

Tanba ne’e, nia dehan, husi konfiansa deputadu sira nian ba KAK, ne’e duni sira sei esforsu maka’as hodi tuir de’it lei nia natureza ka espíritu, hodi bele halo aplikasaun ba lei ida ne’e ho efikasia ho objetiva tuir prinsipíu legalidade ne’ebé mak iha atu nune’e bele pasífika situasaun sira ne’ebé mak mosu iha ita nia rain.

Entertantu projetu Lei MPCC ne’e aprovadu iha PN ho unanimidade votus afavor 61 kontra 0 no abstensaun 0, iha loron 20 fulan Jullu tinan ne’e.

Lei Anti Korupsaun ne’ebé nakfilak ba Medidas Prevensaun no Kombate Korupsaun ne’e, propoin hosi bankada PD ho Fretilin, iha kinta lejislatura, hafoin kaduka iha Terseira no Kuarta lejislatura, tanba la konsege diskute. Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker