GMN TV Justica e Segurança Tempu badak Governu implementa sistema autoridade marítima

Tempu badak Governu implementa sistema autoridade marítima

0 views

Governu konstitusionál daualu iha tempu badak sei estabelese sistema autoridade marítima nasionál, atu nune’e bele halo vijilánsia máximu ba atividade iha tasi-laran.

“Sistema autoridade marítima no autoridade marítima, ne’ebé ita atu funda iha Timor-Leste, sistema ida ne’e koalia dezde tinan 2009, nune'e tinan 10 resin ona, maibé agora ita atu implementa, tanba ne’e sei aprezenta iha Konsellu Ministru (KM) hodi aprova nia modelu ne’ebé ita propoin”, dehan Ministru Defeza, Filomeno Paixão, iha Palásiu Governu, Segunda (13/07/2020).

Govenante ne’e subliña, modelu autoridade marítima sei la halai ses husi modelu seluk, sei foti modelu oituan husi país CPLP, husi nasaun ASEAN no mos husi Austrália.

Filomeno afirma, atu implementa autoridade marítima iha TL tenke koordena ho Jeneral Lere Anan Timur, tanba autoridade marítima ne’e mosu mai kobre hotu aktividade ne’ebé la’o iha tasi-laran no bele to’o uza forsa kuandu to’o uza forsa, tenke fila-fali ba F-FDTL ka PNTL.

“Ita haree ba Lei seguransa dezde tinan 2010 koalia kona-ba prinsípiu komplementariedade, subsídiu, rasionalziasaun meius, diak liu ita entegra ba F-FDTL, tanba sira mak iha ró no sira iha komponente aero, sira bele hamutuk hodi halo vijilansia ba tasi no ajuda alfandega no sira seluk ne’ebé servisu iha tasi laran,” tenik, Ministru Defeza ne’e.

Ministru Defeza ne’e aprofunda liu tan, servisu iha tasi-laran lori seguransa ba ema hotu, tanba sei halo inspeksaun ba ró, rejistu ba ró hodi bele hatene ró saida mak tama no ró saida mak sai.

“Iha ne’e ita hotu iha jestaun ne’ebé transparente tebes, ita fiar ba membru F-FDTL no PNTL, mais tarde Polisia Marítima mos ita sei integra ba autoridade marítima, atu forsa rua ne’e servisu hamutuk ministériu sira ne’ebé relevansia ho tasi,” relata Ministru Defeza.

Governante ne’e esplika, atu nune’e tasi iha TL bele seguru liu tan, alfandega, Ministériu Transporte no Komunikasaun, no ministeriu relevante seluk, ida-idak nafatin halo nia servisu hanesan dadaun ne’e, maibé bainhira ró ruma tama iha tasi área Timor nian, ne’e fila ba sistema autoridade hodi ba husu tuir ró refere.

“Ita agora iha de'it komponente Naval no Polísia Marítima, maibé ró sira ne’ebé uza ba patrullamentu para hotu, tanba ne’e evita buat ruma akontese, koordena ba autoridade marítima atu bele fó sira nia ró tula sei de’it hodi ba revista ró, halo inspeksaun atu nune’e uza meius ida de'it, la presiza uza meius barak,” afirma Filomeno Paixão. Cin


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker