Embaixadór Indonézia ba Timor-Leste, Sahat Sitorus, hateten, Unidade Polísia Fronteira (UPF) no Satgas Pamtas Tentara Nasional Indonesia (TNI), hala’o seguransa iha fronteira hatudu kooperasaun di'ak tebes hodi prevene COVID-19.
Tuir Sahat Sitorus, durante vírus COVID-19, ne’ebé afeta nasaun barak iha mundu, inklui Indonézia no Timor-Leste, hodi taka fronteira rai-maran, maibé kona-bá seguransa iha fronteira la’o di'ak tebes.
Servisu PNTL-UPF ho Pamtas Indonézia, diak tebes, laiha insidente ruma no autoridade seguransa husi nasaun rua ne’e hala’o de’it dalan protokolu nian, maibé ema sira tama ilegal tenke kaptura hodi halo pasa revista, wainhira livre husi COVID-19 hafoin autoridade seguransa bele husik fila-fali, se lae ema ida kona hela virus ne’e bele estraga ema hotu iha nasaun murak ida ne’e”, esplika Embaixadór Indonézia ba Timor-Leste, Sahat Sitorus, ba jornalista sira, Kuarta (15/07/20), iha Kuartel Jerál PNTL, Kaikoli Díli.
Sahat Sitorus akresenta, sé wainhira ema ruma tama sai ilegal iha fronteira, nia parte husu atu halo kapturasaun, hodi submete ba prosesu investigasaun.
Atu prevene COVID-19 labele afeta komunidade iha nasaun rua ne’e, Estadu Timor-Leste ho Indonézia, deside hodi loke fronteira terestre iha semana ida dala ida, iha loron Kuarta feira, hahú tuku 09:00 dadersan to’o 12:00 meudia, hodi importa sasan husi Indonezia, tantu mós exportasaun husi Timor-Leste ba Atambua Indonézia. avi
