GMN TV Justica e Segurança VIII Governu falta tinan rua, Horta: Haree povu nia moris la’ós lei kriminaliza difamasaun

VIII Governu falta tinan rua, Horta: Haree povu nia moris la’ós lei kriminaliza difamasaun

0 views

Ho mandatu VIII Governu ne’ebé sei remata iha tinan rua (2) nia laran, Laureadu Nobel da Paz, Ramos Horta, husu ba Governu atu hili planu prioridade ba povu nia moris ne’ebé promete ona durante kampaña, duke fó atensaun ba projetu lei kriminaliza difamasaun.

“Dalaruma polítika no Governu sira bolu jornalista la kompetente, maibé estrada la monu, ponte la monu, maibé ministru ida la kompetente estrada monu, ponte monu no buat selu-seluk tan, ita iha podér polítika tenke sukat buat sira ne’e hotu, kona-bá projetu lei difamasaun. Sé ha’u mak Primeiru Ministru (PM) no Governu, ha’u sukat di-diak, ha’u iha tinan rua (2), tanba sei iha Orsamentu Jerál Estadu (OJE) tinan 2020 no OJE tinan 2021, tanba tinan 2022 fadigadu ona ho eleisaun, entaun diak liu hili prioridade ne’ebé iha efeitu pozitivu ba povu, lei difamasaun ne’e atu hakle’an ita-nia demokrásia no ekonomia, rezolve problema sosiál? Ha’u la fiar! maske jornalista hakerek buat rungu-ranga, la loos, ne’e atu fó impaktu ba dezenvolvimentu, ne’e la’ós prioridade boot ida”, Laureadu Nobel da Paz ne’e liu husi ninia diskursu iha konferénsia Asosiasaun Jornalista Timor-Leste (AJTL), iha salaun Delta Nova, Díli, Sábadu (04-07-2020).

Hatán ba kesatun ne’e, Ministru Reforma Lejislativa Asuntu Parlamentár no Komunikasaun Sosiál (MRLAPKS), Francisco Jerónimo, hateten, nia parte seidauk bele fó komentáriu, tanba esbosu lei kriminaliza difamasaun seidauk aprezenta ba Konsellu Ministru (KM).

“Pozisaun Governu ni’an mak husik sosiedade sivíl sira halo opiniaun, depois kuandu aprezenta ona mai, ita haree opiniaun públiku, agora ida ne’e hanesan draft ida iha Ministériu Justisa (MJ), husik entidade hotu fó opiniaun para ita hatene ida ne’e hakarak saída, buat ne’e sei iha diskusaun para fó opiniaun, to’o oras ne’e, ha’u seidauk hateten ne’e prioridade ou lae, husik sira sosiedade diskute lai”, dehan MRLAPKS ne’e.

Antes ne’e, sosiedade sivíl sira, organizasaun feto no Movimentu Universitáriu Timor-Leste (MUTL) mós la konkorda ho projetu lei kriminaliza difamasaun ne’ebé dau-daun ne’e planeia husi Ministru Justisa, Manuel Cárceres tanba konsidera sei hamate liberdade imprensa no liberdade espresaun povu Timor-Leste nian. ida


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker