Komandante Jerál PNTL, Komisáriu Faustino da Costa, afirma, maske Grupu Arte Marsiál (GAM) sira reativa fali, maibé la tolera membru Polisia Nasionál Timor-Leste (PNTL), atu inklina a’an iha laran.
Líder PNTL ne’e afirma, molok koalia kona-ba regulamentu sira seluk, tuir Konstituisaun RDTL, bandu forsa seguransa labele envolve iha partidu, inklui mos arte marsiais.
“Molok koalia kona-ba regulamentu sira seluk, tuir konstituisaun RDTL, Polisia Nasionál Forsa seguransa ne’e labele tama iha partidu oioin, iha rezolusaun ne’ebé mak sai iha tinan hirak ba kotuk, PNTL zero toleransia ba envolvimentu iha arte marsiais, los duni arte marsiais reativa, la signifika PNTL mos bele envolve fila fali, iha ne’eba zero toleransia la’o nafatin” dehan Komisariu Faustino da Costa, iha Palásiu Governu, Segunda (06/07/2020).
Faustino subliña, kona-ba membru nain hira ne’ebé deskonfia, jurza ba partidu KHUNTO, ne’e kompetensia komando nian.
“Ita koalia kona-ba partidaria PNTL labele tama, kuandu prosesu ruma ita haree katak, provas iha buat ruma ne’e ita uza ne’e deit, no ema hirak ne’e kompetensia komdando nian,” afirma, Komisariu Faustino.
Antes ne’e, Komisáriu Faustino da Costa relata, sei bolu ema hirak ne’e, atu submete ba prosesu investigasaun.Cin
