GMN TV Justica e Segurança AHDM-TL keixa MS ba PPN

AHDM-TL keixa MS ba PPN

0 views

Asosiasaun Halibur Defisiente Matan Timor-Leste (AHDM-TL) keixa Ministériu Saúde (MS) ba Prezidente Parlamentu Nasionál (PPN) Aniceto Guterres Lopes, tanba konsidera MS halo diskriminasaun ba membru AHDM-TL, liu-liu iha prosesu atendimentu durante pandemia COVID-19.

Diretór ezekutivu Asosiasaun Halibur Defisiente Matan Timor-Leste, Gaspar Afonso, afirma, hafoin hasoru malu ho Prezidente Parlamentu Nasioná parte saúde la tau atensaun sériu ba kondisaun defisiente hirak ne’ebé pozitivu COVID-19.

“Ema ho defisiénsia kuandu teste rastreiu hetan pozitivu, parte saúde ka jestaun krize la halo atendimentu mais rápidu no igual, lentu no diskriminativu. Tanba ne’e mak ami hakarak mai fó hanoin Prezidente PN, atu PN toma atensaun hodi fó hanoin ba Primeiru Ministru no Ministra Saúde ho SIJK, nune’e bele fó atendimentu ba ema hotu-hotu hanesan, labele halo diferente sosiál iha rai ida ne’e, tanba vulneravel risku liu ne’e mak ema ho defisiénsia sira, ami ko’alia tanba ami-nia ema sira pozitivu COVID parte saúde la fó atendimentu, izola-an iha uma mós la kontrola, tanba ne’e mak ami duvida. Se moras ne’e iha duni, tenke fó atendimentu ne’e igual no rápidu, tanba sa mak ema ho defisiénsia kuandu afeita moras, pozitivu, maibe parte relevante la fó atensaun no la tau prioridade”,Diretór Ezekutivu AHDMTL, Gaspar Afonso iha PN, Kuarta (21/07/2021).

To’o loron 20, fulan Jullu ne’e, iha Timor-Leste kazu ativu ba COVID-19 hamutuk atus hitu resin, no kazu kumulativu hosi fulan Marsu, tinan 2020 to’o loron 20, fulan Jullu ne’e, ema hamutuk 10.174 mak  infetadu COVID-19.

To’o notísia ne’e publika, GMN seidauk konsege halo konfirmasaun ho Ministra Saúde, Odete Belo,  tanba Ministra Saúde sei halo vizita traballu ba munisípiu.Say


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker