GMN TV Justica e Segurança Deskonfia ema baku Flugensio Saldanha to’o mate

Deskonfia ema baku Flugensio Saldanha to’o mate

17 views

Flugensio  de Jesus  Saldanha Martins  tinan 54, nia  mate la’ós tanba moras, maibé  deskonfia ema mak baku.

Kazu Flugensio  de Jesus  Saldanha Martins nia mate akontese Kuarta (28/07/2021)  mais ou menus tuku ida madrugada oras Timor-Leste iha Aldeia Kare-Laran, Suku Lahane Osidentál, Postu Administrativu Verra-Cruz, Munisípiu Díli.

Sebastião  Pantelão Martins, núdar matebian  Flugensio de Jesus Saldanha  Martins, nia oan mane haktuir, nia aman mate la ho moras ruma, tanba antes akontese nia mate,  matebian sei asiste hela filme iha televizaun, maibé  kontaktu telefone tama, Flugensio  de Jesus  Saldanha Martins, sai ba estrada iha tuku 12 ho balun, ikus mai hetan fali Flugensio  de Jesus  Saldanha Martins, nia isin mate iha Aldeia Kari-Laran Lahane.

 Sebastião  Pantelão Martins, deskonfia nia aman mate, la’ós tanba moras, maibé ho motivu seluk.

Família hakarak autópsia mate-isin, hodi hatene Sebastião  Pantelão Martins nia mate, maibé ho prezensa membru Sentru Integradu Jestaun Krize hakarak mate-isin submete uluk ba teste PCR, hafoin bele submete ba prosesu autópsia.

 “Ha’u-nia katuas kalan sei iha  uma-laran sei nonton hela  filme  taka televizaun iha jam 11 kalan, sira dehan ema telefone tama iha  jam 12:46 kalan,  katuas la hanete telefone sms tama iha jam 1 pas  hodi  katuas sai ba liur sinelus tau hela estrada ninin, depois duni malu, depois pai ba mate fali iha Aldeia Kari-Laran. Mate ne’e hanesan hatoba de’it, ha’u sente ha’u-nia aman hetan baku iha kakorok ruma. Ami deskonfia tanba sinelus soe hela iha estrada-ninin iha Aldeia Teca-Hudi Laran, pai ba mate fali iha Aldeia Kare-Laran”, esplika Sebastião  Pantelão Martins, núdar matebian nia oan mane, ba GMN, Kuarta (28/07/2021), iha Aldeia Teca Hudi-Laran.

Flugensio  de Jesus  Saldanha Martins, nia isin-mate hetan husi Rogério  Castro de Araújo, iha Aldeia Kare-Laran, hafoin  informa ba matebian nia família sira hodi ba iha fatin refere.

“Ami hemu hela  tua iha estrada kraik parte kurva rotunda Lahane nian, depois iha oras tuku ida  ami hemu hotu ami fahe malu depois ha’u fila ona mai uma, depois atu tama uma ha’u hetan tiu latan hela iha rai, entaun ha’u atu kontinua ba uma sente ladun diak depois ha’u mai informa ba matebian nia família depois hodi ba haree mate isin ne’e”,dehan Rogério  Castro de Araújo.

Alende ne’e, Filomeno  de Jesus Carvalho, núdar  matebian nia maun bo’ot konsidera,  Sentru Integradu Jestaun Krize halo impedimentu ba Polísia Servisu investigasaun Kriminál nia servisu, tanba tuir loloos, mate-isin atu submete ba autópsia  hodi bele hatene  nia alin nia mate ema  mak oho  ka mate tanba kauza moras ruma.

“Ami hotu hatán  atu koopera ho justisa atu submete mate-isin ba autópsia, evidénsia nia mate tanba saida, moras saida? Uluk ema mate tanba problema ruma ema lori ba autópsia para bele hatene kauza nia mate ne’e, mas agora ho situasaun COVID-19, entaun sira Sentru Integradu Jestaun Krize tenke hakarak swab test  uluk mak halo autópsia, ema mate ona ba halo swab test halo saida. Nia mate tanba nia moras antes hela, ne’e ita la hatene  COVID mak halo ka saida, ida diak hela, tanba telefone ema ida nia simu depois nia sai ba  hodi hasoru mate”,dehan Filomeno  de Jesus Carvalho.

Relasiona Flugensio  de Jesus  Saldanha Martins  nia mate, Polísia Forensik no Polísia Nasionál  Servisu Investigasaun Kriminál   no mós Polísia investigasaun Eskuadra Verra-Cruz, to’o iha matebian nia uma hodi halo identifikasaun ba mate-isin.

Flugensio  de Jesus  Saldanha Martins, mate husik hela nia fén no oan na’in haat.avi


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker