GMN TV Justica e Segurança Hato’o deklarasaun falsa ba PNSIK, vítima keixa membru PNTL Ida

Hato’o deklarasaun falsa ba PNSIK, vítima keixa membru PNTL Ida

0 views

Vítima Alberto de Jesus Barreto ho nia advogadu privadu Rui António Mendonça, hato’o ona keixa ba Ministériu Públiku (MP), tanba membru PNTL ho inisiál ABG, hato’o deklarasaun falsa ba Polísia Nasionál Servisu Investigasaun Kriminál (PNSIK).

Nia konta, kronolojia lolos iha tinan 2018, elementu polísia ne’e mak peñor nia karreta ho modelu Jeep, ho garantia osan USD 15.000 husi vítima ne’e.

Iha fulan Setembru 2019, parte na’in rua konkorda ho kontratu totál osan kapital no funan montante USD 52.000, nune’e elementu ABG konsege devolve ona funan hamutuk USD 20.000, no falta USD 32.000.

Maibé la devolve hotu, no ikus mai elementu polísia ne’e mak hato’o fali keixa uluk ba PNSIK, no MP,  hodi halo buska ba vítima nia rezidénsia, tanba konsidera vítima mak komete fali krime Abuzu Konfiansa.

“Nia peñor sasan mai ha’u, ha’u osan na’in, ne’ebé nia ba gadai sasan iha maun Pascoal Lahane, osan ne’e nia ba joga lakon tiha, entaun nia labele hasai nia sasan, no nia ha’u nia fatin nia buka ha’u para atu ba hasai nia sasan, ikus ha’u mak sai fali vítima “dehan Vítima Alberto de Jesus Barreto, hafoin remata hato’o keixa ba MP, iha Matadouru Díli (21/07).

Advogadu Privadu Rui António Mendonça subliña, nia kliente mak hanesan na’in ba osan ne’ebé elementu polísia ne’e peñor nia karreta ba, no nia kliente kumpri deit kontratu ne’ebé parte rua halo, hodi fó garantia ba malu.

“Maibé ida ne’e pelo kontráriu, señor ABG hato’o deklarasaun falsu ba Ministériu Públiku, hodi promove mandadu buska ba ha’u nia kliente nia karreta ne’ebé mak sai garantia ba objetu da cauza” hateten Advogadu Privadu, Rui António Mendonça.

Krime ne’ebé advogadu ne’e partisipa ba AGB ho krime rua mak hanesan, Denunsia Kalunioza (285), no Burla Agravadu (268) tuir kódigu penál.

Relasiona ho notísia ne’e, GMN tenta konfirma ho elementu Polísia ABG, maibé nia laiha komentáriu, ho razaun prosesu ne’e iha ona MP.

Antes ne’e, PNSIK ezekuta ona mandadu buska, ho númeru NUC.0117/20/PNSIK ba Alberto de Jesus Barreto nia rezidénsia, hodi halo apreensaun ba kareta JEEP ida no Konta Bankária ida.San


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker