GMN TV Justica e Segurança Julgamentu kazu Topu Honiz, MP rejeita atu rona deklarasaun husi sasin na’in 17

Julgamentu kazu Topu Honiz, MP rejeita atu rona deklarasaun husi sasin na’in 17

0 views

Ministériu Públiku rejeita atu rona tan deklarasaun sasin na’in 17 husi sasin 30 ne’ebé aprezenta iha julgamentu kontinuasaun kazu Topu Honiz ninian.

Ministériu Públiku aprezenta sasin 30 iha julgamentu kontinuasaun kazu Topu Honiz, ne’ebé hala’o iha Tribunal Distrital Oecusse, Segunda (26/7/2021). Maibé husi 30 ne’e, Ministériu Públiku rejeita atu rona deklarasaun sasin 17 husi sasin 30 ne’ebé aprezenta, tanba duvida ho sasin sira-nia deklarasaun.

Tanba ne’e, Ministériu Públiku husu Tribunal Distrital Oecusse atu adia julgamentu kontinuasaun ne’e ba tempu seluk.

Sasin 17 ne’ebé aprezenta husi Ministériu Públiku ba kazu Topu Honiz ne’e, lamenta tebes ho desizaun Ministériu Públiku nian ne’e, tamba konsidera la respeita sira-nia direitu hodi fó deklarasaun iha Tribunal bazeia ba notifikasaun husi Ministériu Públiku.

“Ohin loron ami mai Tribunal mai tuir notifikasaun ne’ebé mak fó ba ami. Ami kumpri nafatin regra, maibe ami mai to’o ne’e iha fatin julgamentu nian, ami rona katak naran ne’ebé Ministériu Públiku ne’ebé fó sai iha Tribunal dehan katak, husi Ministériu Públiku ba foti ami atu sai sasin ne’ebé agora husi Ministériu Públiku rasik mak kansela ida ne’e, dehan ami lalika deklara sai saida mak ami prontu ona atu deklara, keta buat ruma husi Ministériu Públiku tauk atu ami koalia sai sira-nia hahalok sira ne’ebé mak durante sira subar-subar hela iha kotuk ne’e, ne’e mak sira kansela ne’e. Tanba ami hot-hotu no ha’u rasik prontu atu koalia saida deit ha’u prontu atu koalia, maibe tanba saida mak agora ne’e ami mai sira la autoriza ami atu koalia saida deit iha Tribunal. Notifikasaun iha ne’e, ami sai testamuña, no testamuña ne’e mos Ministériu Públiku rasik mak fó, agora ami prontu ona atu sai testamuña, maibe tanba saida mak agora ne’e lakohi fó tempu ba ami atu deklara sai saida mak ami atu deklara sai ba sira atu rona. Ha’u-nia deskonfia ba sira (Ministériu Públiku) ne’e parese tauk, tauk ami koalia buat ida ne’ebé mak durante ne’e imi (Ministériu Públiku) subar hela ne’e, keta tauk. Tanba sira seluk fó deklarasaun hanesan testamuña, agora ami nian labele fali, ne’e tanba saida. Maibe ami prontu tau hatán”,Testamuña Ermelinda Elu, deklara sai iha Oecusse ba JNDiário.

Nune’e mos, testamuña Pascoela Eco, lamenta ho hahalok Ministériu Públiku nian ne’ebé la konsistente iha sira-nia servisu. Tanba sira hetan notifikasaun hanesan testamuña ba kazu Topu Honiz, maibe Ministériu Públiku la autoriza fali testamuña sira koalia sai ba públiku.

“Ami-nia prezensa iha loron ohin nian tanba ami simu notifikasaun husi Ministériu Públiku nian, no ami kumpri notifikasaun ne’e. Maibe agora oras ida ne’e ami tama ona iha laran mak Ministériu Públiku nian la fó ami koalia, ne’e tanba saida? Ami hakarak hatene razaun saida esplika fó ami. Iha karta ne’e sira hatete katak, ami sai testamuña kona-ba kazu Topu Honiz nian. Notifikasaun ne’e iha dia 12 no adia ba 26 de jullu, tinan ne’e. Maibe ho loron ne’e ami mai iha ne’e, sira abandona tiha. Agora ohin loron ami mai ne’e sira bolu ami tama duni iha laran, maibe sira Ministériu Públiku la hatán”,dehan tan testamuña Pascoela Eco ho tristeza ba hahalok MP nian ne’e.

Sasin 30 ne’ebé aprezenta husi Ministériu Públiku ba julgamentu kontinuasaun kazu Topu Honiz ne’e to’o iha Tribunal iha tuku 9 dader Oras Timor-Leste, tanba hetan notifikasaun husi Ministériu Públiku.

Ministériu Públiku (MP) aprezenta sasin 30 iha julgamentu kontinuasaun ba kazu Topu Honiz, ne’ebé deskonfia eis padre Richard Daschbach halo violasaun hasoru labarik sira, no sasin 30 ne’ebé aprezenta husi ministériu públiku ne’e, marka hotu prezensa iha julgamentu refere no mos eis padre Richard Daschbach.

Kazu Topu Honis ne’e, Ministériu Públiku akuza eis padre Richard Daschbach halo abuzu seksuál hasoru labarik minoridade iha Orfonatu Topu Honiz.

Alende ne’e, marka mos prezensa husi líder karismátiku Kay Rala Xanana Gusmão. Líder nasionál Kay Rala Xanana Gusmão to’o iha Tribunal mais ou menus tuku 9 dader Oras Timor-Leste. Hafoin to’o, Xanana tama kedas ba sala julgamentu, maibe iha minutu balun, Xanana sai fali tanba julgamentu ne’e taka ba públiku.

Hafoin rona esplikasaun husi parte Tribunal, Xanana sai hikas husi sala julgamentu no hasoru labarik sira husi Orfonatu Topu Honiz, inan aman sira no matebian Febriana nia aman ne’ebé marka mós prezensa iha julgamentu ne’e.

Inan-aman inklui labarik sira husi Orfonatu Topu Honiz, kontente tebes hodi halai ba  hakoak Xanana Gusmão. Prosesu julgamentu ne’e hetan seguransa máximu husi parte Polísia Nasionál Timor Leste.Nes


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker