GMN TV Justica e Segurança Jurista konsidera MP la obedese ba kódigu prosesu penál

Jurista konsidera MP la obedese ba kódigu prosesu penál

0 views

Jurista, Sergio Quintas, konsidera Ministériu Públiku (MP), la obedese ba kódigu prosesu penal, hodi rona sasin sira nia deklarasaun, nu’udar prova ida, deskobre verdade materiál.

Sergio Quintas hato’o ninia konsiderasaun ne’e relasiona preokupasaun sasin sira ba kazu Topo Honis ne’ebe Ministériu Públiku la autoriza sira ba fó sasin iha tribunal, dúvida ho sira nia deklarasaun.

“Hau hanoin MP hanesan nu’udar akuzadór nia kaer metin nafatin prinsipiu livre apresiasaun ba prova, ne’e iha artigu 113 kodigu prosesu penal ne’eba hatete katak, entidade kompotente apresia prova tuir nia konvisaun rasik, sé Ministériu Públiku haree katak, testamunha sira ne’e la nesesáriu ou la presiza atu sustenta nia akuzasaun, MP bele presi ne’e bazeia ba prinsipiu livre apresiasaun ba prova, sé nia haree katak, testamunha 30 ne’e la nesesáriu atu sustenta nia akuzasaun iha tribunál ,entaun nia kaer prinsipiu ida ne’e hodi presingi testamunha sira ne’e”, esplika Sergio Quintas ba JNDiário, Tersa (27/07), iha Maskarinhas Díli.

Nia dehan tan testamunha MP arola tiha ona iha akuzasaun no tama ona iha faze julgamentu, ne’e MP labele rezeita ou presingi testamunha sira ne’e, MP tenki husu autorizasaun husi tribunál mak foin bele rezeita ou presingi testamunha sira ne’e bazeia ba Artigu 114 kodigu prosesu penal.

Tuir Sergio Quintas, Ministériu Públiku nu’udar akuzadór, tenki kaer metin prinsipiu livre apresiasaun ba prova sira iha artigu 113 no investigasaun ofisioza iha artigu 114, kodigu prosesu penal.

Sergio Quintas esplika, sé sasin sira ne’e, Ministériu Públiku akuza atu sustenta nia akuzasaun perante iha julgamentu nia laran, Ministériu Públiku labele rezeita, atu rona sira nia deklarasaun, hodi produz provas ba material.

Tuir Sergio, ho situasaun ne’ebe akontese iha julgamentu kazu Topo Honis ne’e, laiha tendénsia atu hapara prosesu julgamentu, maibe prosesu ne’e hakarak ka lakohi tribunal sei foti desizaun kondena ou liberta.

Iha segunda semana ne’e, Ministériu Públiku aprezenta sasin 30 iha julgamentu kontinuasaun Topo Honis ne’ebé hala’o iha tribunal Oecusse, maibe husi sasin 30 ne’e, Ministériu Públiku rezeita atu rona deklarasaun husi sasin 17, tamba dúvida ho sira nia deklarasaun.Tos


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker