GMN TV Justica e Segurança Kazu omisídiu iha Delta III, arguidu na’in tolu hetan PP no ida hetan TIR

Kazu omisídiu iha Delta III, arguidu na’in tolu hetan PP no ida hetan TIR

2 views

Despaixu prosesu primeiru interrogatóriu (PI) ba kazu omisídiu ne’ebé akontese iha Delta III, hodi hamate Hilário Vitalício Soares, tribunál aplika medida koasaun prizaun preventiva (PP), ba arguidu inisiál SCP, JS no MSC, no arguidu ENCP aplika deit Termu Identidade Rezidénsia (TIR).

Advogadu Privadu Sérgio Lobo, hateten, arguidu na’in 3 ne’ebé tribunál aplika PP ne’e, tanba interndimentu juíz nian ba deklarasaun arguidu sira nian, iha indisiu forte involve iha kazu omisídiu ne’e. No arguidu ENCP hetan TIR, tanba laiha provas ne’ebé forte envolve iha kazu ne’e.

“Desizaun ne’e bele favorese ba arguidu sira, tanba bele asegura sira, tan kazu ne’e kazu omisídiu”,hateten Advogadu Privadu ne’e, hafoin remata PI iha TDD, Kuarta (28/08).

Kona-ba rekursu, parte defeza sei komunika ho família arguidu sira nian, tanba desizaun ne’e mós bele favorese ba arguidu, liu-liu iha prosesu kontinuasuan ba inkéritu sira.

“Karik familia sira iha hanoin buat seluk, depois defeza sei haree tok tuir prazu legal ne’ebe mak iha” dehan nia.

Ministériu Públiku akuza arguidu sira ho krime Omesidiu Simples, ne’ebé previstu no punidu iha artigu 138 Kódigu Penál.

Kazu ne’e, akontese iha loron 9, fulan Jullu, tinan ne’e, iha área Delta III, suku Comoro, Postu Administrativu Dom Aleixo, Munisípiu Díli. Matebian orijin husi Postu Administrativu Luro, Munisipiu Lautém.

Prosesu primeiru interogatóriu ne’e, prezide husi Juíza Ercilia de Jesus, Ministériu Públiku (MP) reprezenta husi Prokuradór Ricardo Leite Godinho, no arguidu sira hetan asisténsia legál husi Defensór Públiku, Nelson Borges, Jonas Henrique da Costa, no advogadu privadu Sérgio Lobo no Arlindo Sanches.Ags


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker