GMN TV Justica e Segurança KS deside hasai membru PNTL na’in tolu

KS deside hasai membru PNTL na’in tolu

1 views

Reuniaun Konsellu Superiór (KS) deside hasai  membru Polísia Nasionál Timor-Leste (PNTL) na’in tolu husi instituisaun PNTL, inklui kazu Ainitas-Hun.

Reuniaun Konsellu Superiór ne’e hala’o iha  Sesta (23/07//2021)  iha Kuartel Jerál PNTL, ne’ebé mak  prezide husi Komandante Jerál PNTL Komisáriu Faustino da Costa no Segundu Komandante Jerál PNTL ne’ebé mak paritisipa husi Komandante PNTL Munisípiu 12 no RAEOA,  no Komandante Unidade hotu iha instituisaun PNTL.

Liu husi Konsellu Superiór deside hasai membru PNTL na’in tolu, tanba  envolve  iha kazu homesidu tiru mate sidadaun na’in rua aman no oan iha Ainitas Hun, Suku Lahane Osidentál, Postu Administrativu Vera-Cruz no kazu burla agravadu ida ho kazu falta servisu.

Jerónimo hateten,  membru PNTL na’in tolu ne’e hetan demisaun liu husi votasaun.

 “Di’ak hanesan  ita hotu hatene konsellu superiór dahuluk  iha tinan  2021, iha Konsellu Superiór ida ne’e ita iha de’it kazu tolu mak  ita halo diskusaun ohin, entré kazu tolu ne’e kazu Ai-Nitas Hun no mós kazu rua seluk hanesan ita hatene  iha kazu burla balun  iha mós kazu falta servisu, ne’ebé  ita ohin rezolve kazu tolu. Entre kazu  tolu ne’e konformi  votasaun ba hotu demisaun”, esplika Inspetór Jerál PNTL Superintendente Xefe Carlos Jerónimo, ba jornalista sira hafoin reuniaun Konsellu Superiór iha Kuartel Jerál PNTL.

Carlos Jerónimo dehan,  desizaun konsellu superiór deside hasai membru PNTL na’in tolu ne’e, liu husi votasaun.

“Konforme opiniaun membru Konsellu superiór sira liga ba kazu Ainitas-Hun hetan maiória  votasaun ba demisaun,  no  kazu  ida seluk falta servisu ita hetan votu a favor 15, kontra 8, nafatin maiória demisaun, nune’e mos iha kazu ida seluk mós hanesan hetan votasaun 22 a favor, ida kontra, ne’ebé kazu tolu ne’e votasaun ba demisaun hotu”,dehan Carlos Jerónimo.

Komandante ne’e akresenta, entre membru PNTL ne’ebé mak hetan demisaun kompostu husi mane rua no feto ida, maibé la inklui ofisiál sira.

Alende  ne’e liu husi konsellu superiór koalia mós kona-bá preparasaun seguransa ba iha eleisaun prezidensiál  2022 no mós ba eleisaun paralmentár 2023.

Iha Konsellu Superiór ne’e, membru sei koalia mós kona-bá kazu Ofisiál Polísia Suku ida tiru mós sidadaun na’in tolu iha Maskariñas.avi

 


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker