GMN TV Justica e Segurança Lere: Kandidatu F-FDTL prioridade ba jerasaun patriota

Lere: Kandidatu F-FDTL prioridade ba jerasaun patriota

1 views

Xefe Estadu Maior Jenerál Falintil Forsa Defeza Timor-Leste (F-FDTL), Tenente Jenerál Lere Anan Timur deklara, rekrutamentu ba membru foun F-FDTL fó prioridade ba jerasaun patriota sira.

“200 no 300 ba patriota nia oan, mas 600 labele mai ezije, mas ami sei estuda, estuda hela ba rekrutamentu tinan oin, tanba outobru komesa iha fali ona preparativus, tanba husi 12 mil kandidatus husi 2020 ninian, tanba impase polítiku ne’e mak mai 2021 sira ne’ebé sei iha idade menor 18 até 30 anos bele taka fila fali tinan oin sira bele mai konkore fali ninia dokumentu sira ne’e iha ona mai de’it dehan ita bo’ot uluk la passa”, Xefe Estadu Maior Jenerál F-FDTL, Tenente Jenerál Lere Anan Timur, informa ba Jornalista sira hafoin enkontru ho Prezidente Repúblika, Francisco Guterres Lú Olo, iha Palásiu Prezidensiál Bairo-Pite Kuarta (28/07/2021).

Maske nune’e, antes ne’e Xefe Estadu Maior Jenerál F-FDTL, Tenente Jenerál Lere hateten, rekrutamentu membru foun 600 ba sidadaun hotu iha Timor-Leste, maibé hafoin remata ezame fízika no saúde komisaun rekrutamentu halo avaliasaun no fó prioridade liu ba veteranu nia oan sira, tanba veteranu sira kontribui ona ba luta TL ni’an durante tinan 24 to’o hetan nia autodeterminasaun.

Antes ne’e, Lere Anan Timur mós informa kandidatu balun sofre moras, no ema sira ne’ebé saúde la di’ak sei la pasa hodi tama ba F-FDTL.

Nune’e mós antes ne’e Governu liu-hosi Ministériu Defeza deklara, lista ikus ba membru foun 600 tuir loloos públika iha semana ne’e, maibé to’o ohin loron naran hirak ne’e seidauk anúnsiu, tanba ministru seidauk simu relatóriu husi komisaun rekrutamentu.

Durante enkontru Prezidente Repúblika, Francisco Guterres Lú Olo husu Xefe Estadu Maior Jenerál, Tenente Jenerál ne’e atu tau matan didiak ba membru sira li-liu kona-ba seguransa, disiplina, irarkia no seluk tan hodi hametin liu tan serbisu F-FDTL ni’an. Ina 

 


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker