Komandante Jerál Polísia Nasional Timor-Leste, Komisáriu Faustino da Costa, informa, durante implementasaun Estadu Emerjénsia (EE) tinan 2021 ne’e, membru PNTL komete kazu hamutuk 87 resin.
“Ha’u la lembra tomak durante Estadu Emerjénsia, mas atu dehan de’it ba iha 2021 ne’e keixa ne’ebé komandu simu ne’e 87 kazu mak ita simu, mais prosesu hotu ita hanoin mak ita haree ita hotu hatene katak iha estadu emerjénsia ne’e buat balun ked ala ruma polia tenke serbisu bazeia ba dekretu sira ne’ebé mak iha ne’ebé prosesu hotu depois komandu haree no foti dezisaun”, dehan, Komandante Jerál PNTL, Komisáriu Faustino da Costa iha Palásiu Prezidensiál, Bairo-Pite, Kinta (08/07/2021).
Alende ne’e, Komisáriu Faustino mós deklara, atu prevene virus variante Delta no Alfa ne’ebé dadaun ne’e alastra ona iha nasaun viziñu, sidadaun hotu presiza displina hodi labele tama no sai liu dalan illegal, tanba variante hirak ne’e ameasa sériu ba saúde públika.
Antes ne’e, Xefe Estadu Maior Jenerál Falintil Forsa Defeza Timor-Leste, Tenente Jenerál Lere Anan Timur hateten, sei destaka nia membru atu reforsa PNTL hodi halo seguransa iha área fronteira atu kontrola máxima sidadaun sira ne’ebé tama rai laran liu-hosi dalan ilegal, hodi prevene variante foun Delta no Alfa da’et mai territóriu.
Alende ne’e Ministériu Saúde mós deklara, nafatin prepara fasilidade, hodi hasoru varienate foun Delta no Alfa ne’ebé dadaun ne’e alastra ona iha nasaun indonézia no austrália. Ina
