GMN TV Justica e Segurança PN kondena maka’as aktu inan-aman soe bebé

PN kondena maka’as aktu inan-aman soe bebé

Vise Prezidente Parlamentu Nasionál, Maria Angelina Sarmento, kondena maka’as aktu iresponsabilidade ne’ebé halo kométe hosi inan no aman ne’ebé soe bebé arbiru,  hanesan akontese iha Domingo foin lalais ne’e.

Reprezentante povu ne’e afirma, aktu iresponsabilidade hirak ne’e kontinua akontese iha Timor-Leste, tanba menus atensaun hosi inan aman sira, no menus edukasaun sívika, nune’e mós asesu ba sítiu internet ne’ebé livre demais iha Timor-Leste.

Atu prevene ida ne’e, lejisladora ne’e subliña, Parlamentu Nasionál sei reforsa iha lei sibernétika, atu  limite ema asesu ba publikasaun ka sítiu adultu nian, liu-liu ba menoridade sira.

“Asesu telemovel no internet ne’ebé laiha limitasaun, entaun loke dalan ba ita-nia oan sira, atu buka informasaun liuhosi meius sira ne’e, envezde sira buka informasaun liuhosi inan ho aman rasik. Tanba edukasaun hosi inan ho aman rasik iha uma laran la sufisiente maka ita-nia oan sira ohin loron, maske ho idade ki’ik maibe sira asesu ona ba telemovel ne’ebé mak asesu internet laiha limitasaun. Balun nia idade seidauk merese ka’er telemovel android sira, maibe inan-aman mak fasilita sira atu ka’er telemovel depois pior liutan inan aman la akompaña oan sira ne’e, ita lahanorin sira atu oinsa prevene asesu ba sítus sítus sira ne’ebé la merese, tanba sira nia idade seidauk to’o, ne’e edukasaun tenke mai hosi uma-laran, alénde edukasaun formal.

Iha PN iha ona esbosu lei krime Sibernétika, ita presiza haree-tok, se ita hanoin ba ita-nia jerasaun sira-nia futuru ne’ebé di’ak, atu salva joven sira, ha’u hanoin di’ak liu atu haree esbosu lei ne’e ho posibilidade atu taka dalan ba ema atu asesu ba sítiu pornongrafia sira ne’ebé laiha limitasaun. Ezemplu hanesan iha Indonézia, ema iha lei ne’ebé mak forte, no lei krime sibernétika ne’e limita kedas asesu públiku sítiu pornografia sira ne’e. Alénde pornografia, kona-bá mós divulga informasaun no video ka fotografia ne’ebé konten pornografia, sem autorizasaun hosi ema na’in, ne’e konstitui krime ida. TL bele foti lisaun hosi nasaun sira ne’ebé eduka sira-nia ema no limite espasu liberdade atu asesu média sosiál sira, atu ita mós bele ajuda ita-nia sosiedade hodi kontribui ba edukasaun ida konstrutivu ba ita-nia jerasaun foun”,afirma Vise Prezidente PN ne’e ba GMN, iha resintu PN, Tersa (20/07/2021).

Iha Domingo loron 18, fulan ne’e, komunidade iha aldeia Lemokari, suku Maleuana, konsege salva bebé feto ida ne’ebé soe hela iha mota-ninin no transporta kedas ba Sentru Saúde Comoro hodi  halo tratamentu.

Kazu hanesan, antes ne’e akontese mós iha suku Lahane Osidentál, komunidade konsege salva bebé mane ida ne’ebé soe hela iha uma mamuk ida, maibe ikus mai família ne’ebé antes ne’e nega bebé refere, reklama no foti hikas bebé ne’e.

Liga ho vida infantil nian, dadaun ne’e komisaun F ne’ebé trata asuntu sosiál no saúde  diskute hela projetu lei protesaun ba labarik hosi perigu.Say


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker