GMN TV Justica e Segurança PNTL: Viajen ba munisípiu tenke lori kartaun vasina no eleitorál

PNTL: Viajen ba munisípiu tenke lori kartaun vasina no eleitorál

'Segundu Komandante Polísia Nasionál Timor-Leste (PNTL) Munisípiu Díli Superintendente João Belo Sanches, apela ba sidadaun hotu ne’ebé mak hala’o viajen  ba munisípiu  sira seluk tenke lori kartaun  vasina COVID-19 no kartaun eleitorál.

João Belo Sanches hato’o  asuntu ne’e relasiona ho sidadaun balun iha Díli, hala’o viajen ba iha Munisípiu lori fali ema seluk nia kartaun  vasinasaun hodi hatudu ba autoridade seguransa sira ikus mai Polísia deteta la’ós sira-nia kartaun, tanba konfirma sira-nia kartaun eleitorál, maibé naran  la hanesan ho kartaun vasinasaun husi  Ministériu Saúde.

Ho aktu ne’ebé mak sidadaun ne’e sira komete,  PNTL kaptura hodi lori ba detein ona iha sela detensaun Kaikoli, Díli.

“Iha semana kotuk ita orienta tiha ona, komandante postu tolu ho membru sira, se mak sai husi Díli, sira lori hamutuk ho kartaun  kinur ne’e para  ita bele klarifika, tanba balun falsifikasaun dokumentu ne’e kartaun kinur iha hela, maibé kartaun eleitorál la hanesan  kartaun kinur. Polísia la bandu se de’it, maibé ema seluk ne’ebé mak uza fali ema seluk nia kartaun kinur hodi halo viajen no konsidera falsifikasaun dokumentu, ne’e krime ita tenke prosesu”,esplika Segundu Komandante Polísia Nasionál Timor-Leste (PNTL) Munisípiu Díli Superintendente João Belo  Sanches, ba  GMN, hafoin enkontru ho membru Polísia Eskuadra Cristo-Rei.

Durante implementasaun Estadu Emerjénsia, Komando PNTL Munisípiu Díli mós estabelese  postu seguransa iha fronteira hanesan iha área Casanafar, Tasitolu, Metinaro no postu ida iha Lahane.avi


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker