GMN TV Justica e Segurança Prevene variante Delta tama TL, Fausitino husu UPF taka dalan ilegál sira

Prevene variante Delta tama TL, Fausitino husu UPF taka dalan ilegál sira

Komandante Jerál (KomJer) Polísia Nasionál Timor-Leste (PNTL) Komisáriu Faustino da Costa, orienta ona Unidade Patrullamentu Fronteira (UPF) taka dalan ilegál sira iha fronteira, nune’e ema labele hakat tama no sai ilegálmente iha fronteira.

KomJer PNTL ne’e  husu ona ba Komandante Munisípiu Covalima, Bobonaro no Rejiaun Administrativa Espesiál Oecussi Ambeno (RAEOA) atu halo koordenasaun ho autoridade lokál sira oinsa mak atu husu ba joven sira ne’ebé mak envolve iha Grupu Arte Marsiál labele hakat ilegál ba Indonézia, tanba Coronavirus variante Delta perigu tebes.

“Komando nia orientasaun la’os de’it ba Unidade Patrullamentu Fronteira no Unidade  Espesiál  Polísia, Unidade Polísia Maritima, maibé kordenasaun relevante sira, Asegura nafatin  hodi garante nafatin laiha ilegál. Asegura nafatin  rezulusaun fó sai ona  hodi taka temporáriu ita nia postu sira  iha fronteira ne’e tenke implementa ho diak. Kordena ho entidades relevantes liu-liu lideransa komunitária para halo kordenasaun  hodi bele asegura  fronteira”,esplika Komandante Jerál PNTL Komisáriu Faustino da Costa, ba GMN, Sesta (16/07/2021), iha Kaitehu, Liquiça.

Tuir Faustino da Costa, aktividade ilegál iha buat rua, alende grupu artemarsiais nia halo nia movimentu, ida seluk mak aktividade de negósiu.

“Tanba ida ne’e mak ita fó orientasaun ba Komandante PNTL Munisípiu sira hodi hatutan ba Ofisiál Polísia Suku (OPS)  sira iha fronteira hodi halo koordenasaun ho autoridade lokál  hanesan Xefe Suku no Xefe Aldeia no juventude sira ita haree ida ne’e, tanba variante foun ne’e perigu tebes”,dehan Faustino da Costa.

Antes ne’e iha semana kotuk Tentara Nasional Indonesia mós kaptura sidadaun Timor-oan na’in 14, tanba deskonfia ba hasa’e sintu iha Indonézia.

Sidadaun sira ne’e entrega ona mai iha autoridade seguransa iha Postu Integradu Mota-Ain, hafoin transporta mai Díli hodi hela iha kuarentena.avi


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker