GMN TV Justica e Segurança Rede Feto rejeita hadau bebé husi Moises Araújo

Rede Feto rejeita hadau bebé husi Moises Araújo

3 views

Rede Feto, rejeita hadau bebé husi Moises dos Santos Araújo, iha área Ailok-Ida Aldeia Lemokari, Suku Komoro Postu Administrátivu Dom Aleixo Munisípiu Díli.

Iha Domingo (18/07/2021)  Moises dos Santos Araújo nu’udar abitante Aldeia Lemokari, Suku Manleuana, hetan bebé feto ne’ebé soe hela iha mota-ninin.

Maibé hafoin família ne’e lori bebé ba halo tratamentu iha sentru saúde Comoro.  Iha loron 20 fulan ne’e,  pesoal balun uza organizasaun Rede Feto, hodi ba foti bebé ne’e iha Moises nia rezidensia atu ba asegura durante semana rua.

“Ema sira mai foti bebé ne’e dehan atu lori ba Rede Feto, depois kaer tiha inan mak depois mak entrega fali labarik. Ha’u sente-laran moras, tanba bebé ne’e iha mate-laran tiha ona mak ha’u foti ne’e.  Ne’ebé ha’u konsidera hanesan hadau de’it, sira hanesan mai obriga de’it. Se labarik ne’e akontese fali buat ruma ba bebé ne’e, Rede Feto tenke responsabiliza”,esplika Moises dos Santos Araújo, ba JNDiário, Kinta (22/07/2021), iha Aldeia Lemokari.

Hatán ba kestaun ne’e, Prezidente Rede Feto Timor-Leste, Zelia Fernandes, rejeita informasaun ne’ebé hato’o husi Moises dos Santos Araújo, tanba Rede Feto la envolve asaun foti bebé husi Moises.

“Ami akompaña duni notísia ne’ebé mak fó sai antes katak, señor Moises hetan bebé ne’e, maibé to’o ikus dehan Rede Feto foti fali bebé ne’e, laiha. Dala ida tan atu hateten katak Rede Feto la envolve asaun foti labarik husi señor Moises, karik husi parte seluk mak foti bebé ne’e ami sujere família señor Moises nian buka hatene, karik senti duvida ho parte balun uza Rede Feto nia naran, bele mai konfirma direta iha Sekretáriadu Rede-Feto Timor-Leste nian iha Kaikoli besik BNCTL”,hatán Zelia   Fernandes.

“Komandante Jéneru PNTL, Superintendente Júlia da Gama liu husi telefone hatete, bebé ne’e asegura ona iha uma-mahon, atu Polísia bele buka tuir suspeita, núdar bebé nia inan. Ha’u ema ne’ebé mak servisu ba instituisaun PNTL dever ha’u nian mak atu garantia no asegura, ha’u hanesan ema ne’ebé mak servisu parte jéneru nian, bainhira kuandu ami ba foti bebé ne’e tanba iha liña koordenasaun ho Komisaun Protesaun Labarik  nian katak labarik ne’e vulnerável   inan seidauk hetan  sei iha prosesu investigasaun ba iha parte VPU”,dehan Júlia da Gama.

Júlia da Gama dehan, tuir kompetensia atu prosesu kazu infantil ne’ebé  agravadu tuir prosedimentu ne’ebé instituisaun iha.

 “Ami ba halo mediasaun tuir hirarkia ne’ebé mak iha konsidera respeita ema ne’ebé mak hetan.  Naton ami halo akordu konkordansia katak atu meus saida mak iha atu lori bebé mai asegura hodi nune’e buka tuir bebé nia inan no família, maibé ha’u rejeita obrigatóriu bebé nia inan   ne’ebé mak provezoriu tau matan, tanba ne’e ami la halo obrigasaun ida, ema ne’ebé mak hetan ne’e hanesan anju ida. Ami la promete atu intrega  bebé ne’e iha tempu badak, ami hala’o de’it ami nia kna’ar hodi foti bebé ba asegura iha uma mahon, atu nune’e Komisáriu Labarik nian no MSS no Rede Feto bele tau matan hodi buka hatene bebé nia inan nia paraderu”,dehan Júlia da Gama.

Antes ne’e, Polísia Sientífika Investigasaun Kriminál (PSIK) bolu ona abitante Moises da Costa Araújo, hodi presta deklarasaun kona-bá prosesu hetan bebé ne’e.avi


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker