GMN TV Justica e Segurança Seguransa iha fronteira la sufisiente, MI planeia rekruta membru PNTL foun iha tinan 2022

Seguransa iha fronteira la sufisiente, MI planeia rekruta membru PNTL foun iha tinan 2022

15 views

Vise Ministru Interior, António Armindo, hateten, membru Polísia Nasional Timor-Leste (PNTL) ne’ebé dadaun ne’e destaka iha fronteira terrestre la sufisiente, nune’e sidadaun sira kontinua tama sai ilegál tuir hakarak. Tanba ne’e, Ministériu Interior (MI) planeia atu halo tan rekrutamentu iha tinan oin 2022, hodi reforsa servisu PNTL nian.

Governante ne’e subliña, governu mós sei impoin sansaun koima ne’ebé ho monatnte hosi USD 30 to’o USD 250 ba sidadaun ne’ebé la kumpre regra estadu nian, hodi tama sai ilegál iha fronteira.

“TL iha ona variante Delta, maibe ita buka meius hotu-hotu atu kontinua asegura nafatin iha fronteira, maske la fasil, maibe ho ita-nia kapasidade no kuantidade ne’ebé iha, ho membru seguransa ne’ebé iha sei tau matan ba ita nia fronteira. Imposível para ita atu taka tomak fronteira, tanba nasaun sira ne’ebé haleu ho moru ne’e de’it ema sei tenta tama sai ilegál, sa tan hanesan Timor-Leste ne’ebé hanesan estratejia desde kedas tempu uluk ne’e. Ita tenke aumenta seguransa, se di’ak liu dua kali lipat kompara ho ida ne’ebé agora iha hela, kestaun seguran ha’u labele dehan nia númeru, maibe la natoon kompara ho Indonézia nian. Iha mós forsa iha fronteira, maibe ami sujere ona ba Primeiru Ministru, Taur para ba PNTL ne’e atu aumenta tan membru iha tinan oin. Alénde ita aumenta númeru, tanba ita-nia númeru membru ne’ebé agora katuas dadaun ona, tanba ne’e ita hanoin katak tenke iha rekrutamentu, maibe desizaun hotu iha PM kualidade hanesan Ministru Interior”,tenik António Armindo ba GMN, hafoin partisipa iha diskusaun ba pedidu EE iha PN, Tersa (27/07/2021).

Iha inísiu fulan ne’e, Unidade Polisiamentu Fronteira kaptura tan sidadaun Timor-oan kuaze 10 resin ne’ebé maioria mane foinsa’e ne’ebé deskonfia ba sa’e sintu organizasaun arte marsiál nian iha Indonézia.

Totál membru Polísia Nasionál Timor-Leste (PNTL) iha territóriu tomak dadaun ne’e hamutuk kuaze 5000.Say


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker