GMN TV Justica e Segurança TDB rona deklarasaun Naimori ba kazu obstrusaun autoridade públika

TDB rona deklarasaun Naimori ba kazu obstrusaun autoridade públika

0 views

Tribunál Distritál Baucau (TDB) kontinua loke audiénsia ba prosesu ho númeru rejistu kriminál ka NUC 0039/18/LASIC, ne’ebé deskonfia komete husi arguidu José dos Santos Naimori Bucar, iha tinan 2018.

Iha julgamentu kontinuasaun ne’e, tribunál kontinua rona deklarasaun arguidu nian nomos sasin na’in 6, ne’ebé aprezenta husi Ministériu Públiku (MP).

Iha hafoin Tribunál remata lee sai akuzasaun ne’ebé arola husi MP, arguidu Naimori Bucar konsidera akuzasaun sira ne’e laloos. Tanba arguidu rasik la hasai lia-fuan ameasa ba membru PNTL, ne’ebé hala’o hela auto stop.

Maibé iha sala audiensia, parte sira rona deit deklarasaun arguidu nian no sasin na’in rua ho inisial MS no JS, tanba sasin na’in rua nia deklarasaun, adekuadu atu reforsa provas sira.

Nune’e sasin komandante PNTL Munisípiu Lautem, Marcos Sequeira mos deklara, momentu ne’ebá Naimori la koalia lia-fuan ameasa hasoru polísia.

Maibé testemuña Mouzinho mós konfesa, momentu ne’ebá arguidu hasai duni lia-fuan ida dehan “Bainhira AMP manan imi sei hatene, no mos ha’u nu’udar konselleiru máximu Partidu KHUNTO, imi labele para ha’u” ba polísia ne’ebé halo hela servisu iha tempu ne’ebá.

Tama ba alegasaun ikus, parte defeza husu Tribunál atu absolve arguidu husi krime ne’ebé MP imputa ba nia kliente, tanba laiha indísiu forte.

“Laiha indísiu grave ruma ba krime Obstrusaun ba Autoridade, tan ne’e husu tribunál atu absolve arguidu husi krime ne’e”,hateten advogadu privadu Ismael Asunção Lopes, ba GMN hafoin remata julgamentu iha TDO Tersa (27/07).

Relasiona ho kazu ne’e, Segunda (26/07) ne’e, reuniaun Konsellu Estadu (KE) desidi halo votasaun sekretu ho votu afavor 9 kontra 1, deside suspende Nai Mori Bucar husi KE, bazeia ba pedidu TDB nian iha loron 21, fulan ne’e, hodi tuir prosesu julgamentu ne’ebé marka ona.

Deliberasaun ne’e, bazeia ba rejimentu KE ne’ebé aprova iha loron 17, fulan Maiu, tinan 2005.

Kazu ne’e akontese iha loron 2, fulan Maiu, tinan 2018, bainhira Aliansa Maioria Parlamentar (AMP) iha momentu ne’eba atu ba hala’o atividade kampaña eleitorál loron daruak nian, iha Munisípiu Lautem.

Momentu ne’eba konselleiru máximu Partidu KHUNTO no líder husi AMP, akompaña husi militante sira, la’o ho komvoiu atu ba Lospalos, maibé to’o iha dalan área Lautém, polísia halo hela auto stop katak, liu ona óras kampaña labele halo komvoiu, tanba distúrbiu ba komunidade. No arguidu José dos Santos Naimori Bucar, hasai lia-fuan ba Polísia katak, “bainhira AMP manan, imi sei hatene”.

MP akuza arguidu ho krime Obstrusaun ba Autoridade Públika, ne’ebé previstu no punidu iha artigu 243, iha kódigu penál, ho nia moldura pena tinan 2 to’o 6.

Hafoin rona tiha parte sira, tribunál deside adia julgamentu ne’e ba loron 16, fulan Setembru tinan ne’e, hodi rona leitura akordaun.

Audiénsia ne’e prezide hosi Juíz koletivu José Escurial, Maria Modesta no Sribuana da Costa, MP reprezenta hosi prokuradór Bartolomeo de Araújo, arguidu hetan asisténsia legál husi advogadu privadu Ismael Assunção Lopes.San


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker