GMN TV Justica e Segurança UEP destrói matéria bomba explozivu komersiál iha Kaitehu

UEP destrói matéria bomba explozivu komersiál iha Kaitehu

Unidade Espesiál  Polísia (UEP)  husi seksaun  Explosive Ordnance Disposal  ( EOD) destrói  bomba explozivu komersiál restu husi projetu harahun foho Kaitehu ba projetu Portu Tibar nian.

Seremonia refere hala’o iha área Kaitehu, Suku Tibar, Postu Administrátivu Bazartete, Munisípiu Liquiça.

Matéria bomba komersial ne’e  importa husi Kompañia Incanto Weste, ho tipu Ammonium  nitrate, Emulsion  Explosive no Detonating cord, ne’ebé mak utiliza  hodi harahun  foho iha Kaitehu ba projetu Portu Tibar.

Matéria   ammonium  Nitrate ho total  180.000   kilograma ho nia ton 180, no  utiliza ona 20.896 kilograma ho nia ton 896 kilograma. No sei rai iha armazen  159.104 kilograma, ho  nia ton  104 kilograma, no Emulsion  explosive 5000 kilograma, ne’ebé mak utiliza hotu ona.

Detonating  Cord 10 grama no total import  5000 m. La utiliza  hodi rai hela armazen  500 m .

Vise Ministru Interiór António Armindo,  husu ba Kompañia Incanto Weste atu halo relatóriu kona-bá  utilizasaun matéria bomba komersiál ne’ebé mak utiliza ona, atu nune’e ema balun labele uza sala ba objetivu seluk.

“Governu mós ezije ba  koperasaun halo relatóriu kona-ba uza sasán sira ne’ebé mak importa, liu-liu matéria explozivu sira ne’e tenke iha relatóriu atu nune’e ita labele husik hela matéria balun no fim hanesan ohin  EOD hateten ema balun bele utiliza sala  ba Objetivu seluk”,esplika Vise Ministru Interiór, António Armindo, liu husi diskursu, Sesta (16/07/2021), iha Kaitehu.

Alende ne’e, Jeronico Jeronimo, núdar na’in ba kompañia  Incanto Weste, hatete, matéria prima sira ne’e hatama iha  loron Jullu, tinan 2019, ho nia objetivu mak hodi harahun foho ida iha Kaitehu hodi utiliza ba projetu Portu Tibar.

“Ne’ebé ita fornese mai ne’e ho objetivu  atu suporta mai iha projetu  konstrusaun Portu Tibar, kuaze tinan rua nia laran ita konsege utiliza, maibé tanba situasaun pandemia, entaun ita labele utiliza, fatuk sira ita hola atinji, entaun nia restu ne’ebé mak iha tuir lei entaun matéria ne’e explosivus, entaun tenke destrói, ita labele fa’an no ita koordena ho autoridade PNTL oinsa mak ita bele destrói”,dehan Jeronico Jeronimo.

Alende ne’e, Komandante Jerál PNTL Komisáriu Faustino da Costa, hateten, durante matéria explozivu sira  ne’e tau  iha Díli no kontinua lori mai iha Kaitehu hodi destrói, asegura  maximu husi PNTL durante oras 24.

 “Ita-nia lei Timor-Leste, liu-liu dekretu lei  númeru 7 2020 ne’e hateten katak,  Timor Leste ne’e ita bele importa, tanba  matéria explosive sira ne’e,  ne’e ida uza ba aktividade militari, ida uza ba aktividade komersiais.Tuir lei ne’ebé mak ha’u sita, wainhira importa sasán sira ne’e PNTL tenke akompañha kedas  antes atu hola husi ne’ebé ho nia kuantia. Nune’e durante utilizasaun ne’e PNTL mak sei jere  ida ne’e ho sentidu sura, tuir lei ne’e atu relata mai  komando,  para komando kontinua relata ba governu ne’e kada semana. Uza hira restu hira.Durante matéria bomba komersiál ne’e tau iha Díli no lori mai to’o área Liquiça  no utiliza PNTL asegura 24 oras”,dehan Faustino da Costa.avi


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker