GMN TV Justica e Segurança UPF detein sidadaun ida lori kartaun vasina COVID-19 tahan ha’at

UPF detein sidadaun ida lori kartaun vasina COVID-19 tahan ha’at

Unidade Polísia Maritima  kaptura hodi detein sidadaun ida ho inisiál JMS, iha Vatuboro-Loes, tanba hala’o viajen  lori kartaun vasina COVID-19 kinur ne’e ha’at kedas.

Iha Tersa (20/01/2021), mais ou menus tuku tolu liu minutu lima nulu, oras Timor-Leste, Unidade Polísia Marítima hala’o pasa revista iha área Vatuboro, Suku Loes, Postu Administrátivu Maubara, Munisipiu Liquiça, konsege identifika sidadaun ida ho inisiál JMS  hala’o viajen husi Díli atu ba Kailaku Munisípiu Bobonaro, maibé  kaptura husi Polísia Marítima, tanba lori kartaun kinur  vasinasaun ha’at no lori  formuláriu Grupu Arte Marsiál (GAM) Persaudaraan Setia Hati Terate (PSHT) balun no mós formuláriu kobransa osan husi GAM ninian.

“Tuir standar kada sidadaun  ida nia hetan vasinasaun primeiru no segundu nia so bele hetan kartaun kinur ida  hodi hatudu katak ema ne’e hetan tiha ona vasinasaun primeiru no segundu, maibe  ita-nia sidadaun ida agora ita tahan hela ne’e, ho naran JMS hetan kartaun  kinur  ne’ebé mak prienxe ona naran iha rua no hetan tan kartaun ida fali  sei iha rezerva ida  seidauk prienxe, ida ne’e ita bele dehan motivu asaun ida  ne’ebé nia falsifika dokumentu ne’ebé sai ona ita-nia standar Estadu, Governu iha Timor-Leste, maibé sidadaun ne’e hetan kartaun rua, nia naran rasik depois iha tan rezerva ida  ba nia a’an rasik, ida ne’e indikasaun ida ne’ebé  Polísia labele tolera”,esplika Komandante UPM Superintendente Basílio de Jesus, ba JNDiário, Tersa (20/07/2021), kalan iha Vatuboro.

Alende ne’e, iha pasa revista refere, hetan mós sidadaun ho inisiál JMS nia dokumentu balun, ne’ebé mak sidadaun ne’e lori iha nia pasta.

“Ita halo pasa revista ita hetan dokumentu rejistu kobransa  kada ema hamutuk  28, kada ema kontribui USD 5, iha formuláriu rejistu naran kompletu membru PSHT sira, tinan graduasaun bainhira nia sa’e sabuk (sintu)  iha Indonézia, iha lista ne’e kuaze sira  simu ona graduasaun komesa 2011, akontese hasa’e sabuk iha Díli, mai fali iha tinan 2020 kuaze graduasaun parte Indonézia, hanesan graduasaun iha Atambua-Soe”,dehan Basílio de Jesus.

UPM mos prende motorizada Beat Street  ne’ebé mak kondus husi sidadaun refere hodi mai entrega ba  iha Komando PNTL Munisípiu Díli inklui sidadaun refere atu bele detein durante oras 72, molok aprezenta ba primeiru interogatóriu

Antes ne’e, PNTL Munisípiu Díli detein sidadaun na’in tolu iha sela detensaun tanba lori  ema seluk nia kartaun  vasinasaun hodi hala’o viajen husi Díli atu ba Munisípiu.avi


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker