GMN TV Justica e Segurança Xanana partisipa julgamentu kazu Topu Honis iha Oecusse

Xanana partisipa julgamentu kazu Topu Honis iha Oecusse

4 views

Eis Prezidente Repúblika Kay Rala Xanana Gusmão, Sesta (23/7/2021), marka prezensa iha Rejiaun Administrativa Espesiál Oecusse-Ambeno (RAEOA) hodi partisipa julgamentu kazu Topu Honis iha Tribunal Distritál Oecusse, ne’ebé deskonfia komete husi eis padre Richard Daschbach.

Xanana to’o iha Tribunal Distritál Oecusse mais ou menus tuku 9 dader oras Timor-Leste. Iha julgamentu ne’e partisipa mos husi eis padre Richard Daschbach .

Hafoin to’o, Xanana tama kedas ba sala julgamentu, maibe iha minutu balun nia laran, Xanana sai fali tanba julgamentu ne’e taka ba públiku. Tuir informasaun julgamentu ne’e rona deit lezada ikus nia deklarasaun.

Hafoin rona esplikasaun husi parte Tribunal, Xanana mos fila-fali ba nia fatin hodi hein julgamentu tuir mai ne’ebé tuir informasaun sei hala’o iha segunda semana oin. Prosesu julgamentu ne’e hetan seguransa máximu husi parte Polísia Nasional Timor Leste, RAEOA.

Nune’e mos, Arsebispu metropolita Díli husu ba padre, madre, diákonu, frater no ajente pastorál sira atu respeita desizaun husi Papa Francisco konaba eis-Padre Richard Daschbach.

Liuhosi komunikadu ne´ebé fo sai iha loron 22 fulan jullu, Dom Virgílio do Carmo da Silva, SDB husu Padre, relijiozu, diákonu, frater no ajente pastorál sira katak eis-Padre Richard Daschbach hetan ona sentensa husi Doutrina da Fé, iha loron 6 fulan Novembru tinan 2018.

Papa Francisco deside katak Richard Daschbach la’ós ona padre maibé nu’udar leigo.

Daschbach sai arguidu ba kazu deskonfia violasaun hasoru labarik no kazu ne’e julga iha tribunal Oecusse.

Tamba ne´e, Arsebispu metropolita Díli husu ba padre, madre diákonu, frater no ajente pastorál sira atu la interven iha prosesu justisa ne´ebé Ministériu Públiku halo hela.

Arsebispu hasai komunikadu ne´e relasiona ho deklarasaun Amu balun husi Arquidioseze Metropolitana Díli konaba prosesu investigasaun ba kazu Topo Honis.Nes


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker