GMN TV Justica e Segurança Dívida US$ 1.6 bilioens, GOVERNANTE BARAK SEI BA HATAN TRIBUNAL

Dívida US$ 1.6 bilioens, GOVERNANTE BARAK SEI BA HATAN TRIBUNAL

0 views

Governu aprezenta ona orsamentu retifikativu ho montante US$ 397 milloens ba Parlamentu Nasionál hodi aprova atu selu dívida Governu nian, maibe dívida Governu nian kontinua sa’e to’o US$ 1.6 bilioens. Tanba ne’e membru Governu barak sei ba hatan iha tribunal.

Prezidenti Interinu Komisaun E, ne’ebé Trata asuntu infra-estrutura, Transporte no Komunikasaun, Manuel Castro, hateten,  dívida Governu nian ne’ebé mak agora iha ne’e hamutuk US$ 1.6 bilioens, tanba kada fulan liña ministerial sira ne’e mós halo nafatin dívida. Manuel de Castro  esklarese, dívida sira ne’e barak liu iha projetu fíziku sira, no projetu sira ne’ebé  mak sei la’o hela. “Dívida US$ 1.6 bilioens ne’e, seidauk konta ho bens servisu nian, hanesan manutensaun ba sentral elétrika Hera no Betano.Tusan sira ne’e, Governu foun mai tenki selu, tanba ne’e Estadu nian, entaun Governu tenki iha responsabilidade, maibé se mak halo tenki responsabiliza. Se mak halo tusan la tuir planu orsamental no la tuir lei orsamentu tenki responsabiliza,”relata Manuel Castro ba GMN iha Parlamentu Nasionál, Tersa (15/08). Manuel de Castro afirma, Governu foun mai sei kria komisaun ida atu investiga se de’it mak halo tusan bo’ot ba Estadu hanesan ne’e. Nia hatutan, Governu foun mai ne’e, prontu atu selu tusan, maibé tenki identifika uluk problema sira ne’e mai husi ne’ebé, no se mak halo. “Iha 2016 kuandu ita halo orsamentu retifikativu hodi aumenta ba Orsamentu Jeral Estadu hamutuk US$ 397 milloens, atu selu dívida ne’ebé mak Governu ne’e halo, tanba iha momentu ne’eba Governu aprezenta sira-nia dívida ne’e hamutuk US$ 100 milloens resin,”katak Manuel Castro. Dívida ne’ebé mak Governu aprezenta mai Parlamentu Nasional ne’e, atu selu de’it dívida iha projetu emerjensia tinan 2013 nian to’o tinan 2016. “Maibé buat ne’ebé mak ami rona ikus ne’e katak, ita-nia tusan ne’e sa’e tiha ona ba US$ 1.6 bilioens, no husi US$ 1.6 bilioens ne’e projetu tasi mane nia dívida hamutuk US$ 719 milloens,” relata Manuel Castro. Tanba ne’e, Manuel Castro bolu atensaun ba Parlamentu foun mai atu tau atensaun didiak ba dívida sira ne’e, tanba osan ne’e povu nian. “Dala barak ita mai defende katak, osan ida ne’e povu nian, maibé dalabarak ita uza sala, entaun se mak uza sala, tenki responsabiliza,” dehan Castro.cos


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker