GMN TV Justica e Segurança FALUR DESPEDE FORSA EUA

FALUR DESPEDE FORSA EUA

0 views

Xefi Estadu Maior FALINTIL Forsa Defeza Timor-Leste (F-FDTL), Koronel Falur Rate Laek, Sesta (04/08/2017),hala´o despedida ba Forsa Marina Estadus Unidus Amerika (EUA).

Lider Rezistensia  Falur Rate Laek, despede forsa Marina Amerika sira, hafoin partisipa iha treinamentu Cooperation  Afloat Readiness  and Training (CARAT) hamutuk ho  Komponente Naval, durante semana ida iha Suku Duyung Postu Administrativu Metinaro, Munisípiu Dili. Seremonia  despedida  ne´e hala´o iha Kuartel  Komponente Naval Hera,   ne´ebé mak  asisti diretamente  husi Embaixadora  EUA, iha Timor-Leste Karen Stanton. ``Treinamentu CARAT  remata  ita tenki  halo balansu oinsa bele  hasai  lisaun  ne´ebé mak diak  hodi  ita bele la´o tuir,  ne´ebé  ezersísiu  ne´e  hahú  ita tenki mai ensera, mas tempu ba ita hodi halo reflesaun ba susesu  ne´ebé mak  ita atinji,``informa   Koronel Falur Rate Laek, ba  jornalista sira. Tuir Falur, ezersísiu   CARAT  la´o ho susesu tanba  hetan partisipasaun ativu tebes husi forsa Naval no Marina Amerika sira.``Ita haree  ita-nia relasaun amizade  entre  ema  ba ema ne´e bele la´o ho diak, ohin sira hasai foto hamutuk hatudu kapaas tebes ida ne´e mak balansu  ne´ebé mak ha´u hato´o,``dehan Falur.

Entretantu, Embaixadora  EUA iha Timor-Leste, Karen Stanton, hatete, ezersísiu  ne´e la´o susesu.``Ha´u espera katak,  ezersísiu sira sei kontinua hodi bele ajuda F-FDTL,``dehan Karen Stanton.

 La mosu problema iha TL

Nune’e mós, Xefi Estadu Maior FALINTIL Forsa Defeza Timor-Leste (F-FDTL), Koronel Falur Rate Laek, garante sei la mosu  problema iha Timor-Leste. “Prosesu  eleisaun la´o diak  avaliasaun  pozitivu husi  ema União Eropeia. Ita hein katak,  partidu  ne´ebé mak mai ukun mai atu  jere administrasaun, rekursu hotu  ne´ebé nasaun nian atu nune´e bele hatutan independensia kontinua,``afirma Koronel Falur Rate Laek, ba jornalista, Sesta (04/08/2017) iha Kuartel  Komponente Naval Hera. Falur dehan,   F-FDTL  kontinua antisipa  hodi fó apoiu segurasa hamutuk ho Polísia Nasionál Timor-Leste (PNTL),  no fó nafatin ba Estadu inklui jornalista no povu Timor tomak bele hala´o aktividade bele la´o diak. ``Krimi  ne´e la´os F-FDTL mak la tolera, lei mak la tolera, lei  ne´e  iha ona naran katak,  implementa  lei ne´e  ema sei la halo krimi,``dehan Falur Rate Laek.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker