GMN TV Justica e Segurança FO INSTRUSAUN DIREITA BA PNTL TIRU MANIFESTANTE, MINISTRU LONGUINHOS HALO ABUZU PODER

FO INSTRUSAUN DIREITA BA PNTL TIRU MANIFESTANTE, MINISTRU LONGUINHOS HALO ABUZU PODER

0 views

Prezensa Ministru Interior (MI),  Longuinhos Monteiro nian iha terenu manifestasaun Movimentu Universitariu Timor Leste (MUTL) nian hodi fo instrusaun direita ba Polisia Nasional Timor Leste (PNTL) uza forsa to’o tiru manifestante sira ho gas lakrimujéniu nudar aktu abuzu poder.

Observador Politika nudar mos akademiku husi Universidade Nasional Timor Lorosae (UNTL), Camilo Ximenes, haree katak, Ministru Longuinhos Monteiro nudar ema poilitika ne’ebe asume kargu publiku nudar Ministru Interior atu toma desizaun politika sobre interese ministeriu nian, la’os sai fali hanesan Komandante PNTL hodi fo instrusaun direita ba PNTL iha terenu.  Camilo sublinha katak, kompetensia absoluta atu orienta membru PNTL sira maka Komandante Jeral PNTL Komisario Julio Hornay. Mas, ironia tebes, iha aksaun PNTL nian hasoru MUTL ne’e, Komisariu Julio Hornay la marka prezensa hodi fo instrusaun, maibe Ministru Longuinhos Monteiro mak tuun direitamente hodi fo fali instrusaun Komando nian. “Hau louva servisu  Komandante Jeral PNTL Komisario Julio Hornay duke hau louva servisu Ministru Interior (MI) Longuinhos Monteiro halo politiku hodi atua situasaun ne’ebe mak la grave,” afirma Camilo Ximenes ba jornalista iha UNTL, Kinta (24/8/2017). Camilo deskunfia buat balun iha laran hodi nune’e polisia sira tuku no tebe pior liu mak tiru gas lakrimujéniu hodi estraga odamatan no janela UNTL  nian. Nia dehan tan, wainhira  bolu dehan autonomia kampus iha Nasaun ne’ebe deit estudante halo manisfestasaun, ema ne’ebe halai tama ba kampus konsidera kampus hanesan embaissada. Ironia tebes, tanba saida mak polisia tama kampus hodi tiru gas lakrimujéniu tama to’o kampus laran. Nia afirma katak, Polisia sira tenke hatene sira nia kna’ar sira mai husi ne’ebe  no atu ba ne’ebe no justisa tenke hatur iha fatin ne’ebe mak lia los, la bele simu deit intervensaun husi líder politiku no seguransa tenke defende buat los no justu. Camilo Ximenes husu ba polisia labele hatudu an hanesan ‘bandalizmu’hodi tuku no tebe pior liu mak tiru gas lakrimujéniu. “Ita  kompara iha ema nia rai oinsa mak bele uja forsa no oinsa mak labele uza. Se sira uza sasan sira ne’e arbiru deit klaru buat ne’e sai prezodika ita nia seguransa,” hateten Camilo Ximenes. Antes ne’e  Veteranus Custodio Belo Alin Laek hatete,  realidade polisia sira hatudu hahalok indisiplinadu hodi tiru gas lakrimujéniu  no  estragra janela ho odamatan eskola, lo los polisia la iha direitu duni estudante tama ba eskola laran. Custodio husu ba ukun nain sira hodi hare didiak lei sira ne’e polisia kumpri ordem ka la’e, polisia mai husi povu ukun nain  tenke hare no orienta didiak polisia.

PNTL Labele sobu manifestasaun

Portavoz Grupu Sidadaun Hadomi Paz (GSHP), Luis Oliveira Sampaio, husu ba  membru Polísia Nasional Timor-Leste (PNTL),  labele sobu  manifestasaun Universitariu Timor-Leste (MUTL), tanba  manifestasaun garante ona iha konstituisaun RDTL. “Manifestasaun  ne´e direitu konstituisional no garante ona iha konstituisaun. Se  iha kazu sira seluk hanesan violensia disturbu halo sasan rahun,  ne´e tenki investiga mas tenki buka tuir se mak  involve iha laran. Ne´e kabe ba kapasidade Polísia investigasaun kriminal nian atu investiga. Maibe labele sobu manifestasaun ne´ebé mak  la´o hela kuandu ho pasífiku,”esplika Luis Oliveira Sampaio, ba jornalista sira, Kinta (24/08/2017), iha Kuartel Jeneral F-FDTL Fatuhada, hafoin enkontru ho Xefi Estadu Maior F-FDTL, Major Jeneral Lere Anan Timur. Nia dehan, wainhira  estudante sira sai ba  provoka, halo buat ruma lalos, iha prosesu ne´e mak Polísia iha direitu atu  intervein mas enkuantu sira halo asaun iha pasífiku nia laran iha koridor sira-nia fatin, labele ba sobu. “Tuir lolos ita respeita ba ida ne´e. La hatene kazu  ne´e tanbasa mak mosu anarkismu no  ita kondena aktu violensia sira ne´e husu atu investiga, maibe tenki asegura katak, prosesu ida  kona-ba manifestasaun ne´e garantidu iha ita-nia konstituisaun,”dehan  Luis Oliveira Sampaio. Antes ne´e, Ministru Interior Longuinhos Monteiro, PNTL  mantein seguransa iha resintu Parlamentu Nasional hodi garante paz no estabilidade ba iha atividade deputadu sira nian, wainhira iha anarkismu ruma  durante manifestasaun nia sei  orienta membru PNTL hodi tiru  gas lakrimujéniu. “Anarkismu kuandu akontese ha´u haruka PNTL tiru nafatin atu bele hapara buat ida harahun no buat ida anarkismu  ne´e,”hatetn Longuinhos Monteiro. ety/avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker