GMN TV Justica e Segurança KAZU BOBY BOYE, TIAGO LUIS HO CHANG FONG TAMA KADEIA TINAN 8 NO SELU INDEMINIZASAUN US$ 859,000.00

KAZU BOBY BOYE, TIAGO LUIS HO CHANG FONG TAMA KADEIA TINAN 8 NO SELU INDEMINIZASAUN US$ 859,000.00

0 views

Tribunal Distrital Dili (TDD), liu husi leitura akordaun, kondena arguido Boby Boye nia parseiru, Tiago Luis VIlhena Texeira Guera ho nia kaben Chan Fong Fong Guera ho pena prizaun tinan 8 no selu indeminizasau U$ 859,000.00

TDD kondena autor  nain rua ho pena refere, tanba faktus akuzasaun husi Ministeriu Publiku provadu hotu. Arguido nain rua mak hamutuk ho Boby Boye hodi transfere osan Estadu nian ne’ebe mai husi impostu petroliferu hamutuk U$ 859,000.00 ba Estadus Unidus da Amerika. Tanba ne’e sira komete krime pekulato, falsifikasaun dokumentos ho krime brancamentu capatais. Hafoin desizaun parte defeza husi arguido nain rua deside halo rekursu hodi kontra desizaun primeiru instansia ne’e. Nune’e tribunal fo tempu ba defeza durante loron 15 nia laran, hodi halo rekursu, maibe kuandu liu loron 15 mak defeza la halo rekursu signifika desizaun transitu em julgadu ona. Antes tama ba akordaun parte defeza mos sujere ba tribunal atu rona ema tekniku ida husi banku Ultramarinu Portugal, maibe parte tribunal la konkorda, tanba tuir tribunal la presiza ona rona ema tekniku, tanba sira rona ona peritus husi Banco central de Timor-Leste (BCTL) hodi verifika dokumentos. Hafoin tribunal la konkorda mak parte MP mantein nafatin ho nia alegasaun uluk ne’ebe husu ba tribunal atu kondena arrguidu nain rua ho tinan 8 no fo fila osan U$ hamutuk U$ 859,706. Maibe parte defeza halo alegasaun foun, iha alegasaun defeza la satisfas ho tribunal ne’ebe lakohi rona tan teniku banku ultramarine husi Portugal, tanba tuir defeza sistema transferensia osan iha bancu central Timor Leste la hanesan ho banku internasional. Tanba ne’e mak defeza husu ba tribunal atu foti desizaun ho seriadade, maibe nia afirma nia kliente nain rua la sala, tanba durante julgamentu la hatudu provas sira anin ruma simu duni osan husi Boby Boye no provas durante ne’e mos halo defeza konfuzaun liu liu kona ba transferensia osan husi Boby Boye ba Chan, tanba la rona tekniku banku internasional. Nune’e nia husu ba tribunal atu absolve arguido nain rua husi akuzasaun MP. Fen laen ne’e diskunfia ajuda Boby Boye hodi halai osan Estadu ba EUA ho montante 859,000.00. Arguido Boby Boye rasik FBI kaptura iha EUA no submeter ona ba prosesu justisa, nune’e hetan ona desizaun iha tribunal EUA.nia


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker