GMN TV Justica e Segurança LERE: VETERANU BARAK SEI MORIS SUSAR

LERE: VETERANU BARAK SEI MORIS SUSAR

0 views

Xefi Estadu Maior FALINTIL Forsa Defeza Timor-Leste (F-FDTL), Major Jeneral Lere Anan Timur, konsidera maluk veteranu barak sei moris  susar nafatin, tanba ne'e Governu tenki tau atensaun hodi responsabiliza.

“Ohin loron ita haree  ita-nia Veteranu sira  ne´ebé mak  moris ho ita, nivel hanesan  ho  joven sira mak foin mai tama instituisaun ida  ne´e que la justu, ita-nia ukun nain sira tenki haree sira nia posizaun, balu moris susar. Maske FALINTIL sira ne´e biar idade avansadu hotu  ho tinan 60 ba leten, kondisoens sosio-ekonómiku ladiak, maibe lori sira-nia sakrifisiu no pasensia, lealdade sei hamutuk nafatin ho povu sira,”dehan  Major Jeneral Lere Anan Timur, liu husi diskursu, iha seremonia aniversariu FALINTIL ba dala 42, hala´o iha Fatuhada Díli. Lere dehan, vetranus sira la´os hanesan forsa armadas  bai-bain  sira  kumpri tiha ona sira nia misaun  ida  ne´ebé mak lulik no todan. ``Barak  ohin loron la hamutuk ho ita sira agora diskansa im paz  iha semiteriu Metinaro, iha fatin sel-seluk,``dehan Lere. Lere realsa, Timor-Leste ukun an tinan 15 ona, ema  hotu sai testamuña   iha fatin hot-hotu, Timor-Leste oan  kiak mak sei halerik ba paraderu inan aman  ne´ebé mak mate. Lere dehan, FALINTIL trasforma ba F-FDTL  iha tinan 2001, sai nuudar  instituisaun Estadu nian, instituisaun  profesional no forsa regular. ``Ohin loron instituisaun ida ne´e ita sei hare´e Veteranu sira ne´ebé mak funu ba libertasaun nasional durante tinan 24 nia laran sei ativu hela  iha F-FDTL, hanesan  ita dehan  FALINTIL sai klamar ba esperitu F-FDTL, tanba  ne´e mak harii tinan 15 ita-nia nasaun ita-nia povu hetan hakmatek no haksolok iha rai Timor-Leste,``dehan Lere.

F-FDTL nain 62 simu promosaun deviza

Nune'e mós membru FALINTIL Forsa Defeza Timor-Leste (F-FDTL) hamutuk 62 simu  promosaun deviza. Promosaun deviza ne'e tuir artigu  79  no dekretu lei estatutu militar forsa armada númeru   7/2014 12 Marsu. Membru F-FDTL ne'ebé simu promosaun deviza mak hanesan  Postu Tanente   Koronel  iha nain 7,  Postu Tanente   nain 11 Postu  Alferes   nain 3, Postu Sarjentu Xefi  nain nen, Postu Sarjentu ajudante nain  3,  postu primeiru sarjentu nain 6, postu segundu sarjentu  nain  28 Promosaun deviza ne´e ofisialmente  tula husi  Prezidente Repúblika (PR), Francisco Guterres ´Lú-Olo´ hafoin  ne´e hodi fó biban  ba Xefi Estadu Maior F-FDTL Major Jeneral Lere Anan Timur no Vise Xefi Estadu Maior , Brigadeiro Filomeno Paixão hodi prega deviza ba iha  membru sira. ``Promosaun  ne´ebé mak ita hala´o  Veteranu 24 anos  nain ida,   Armindo Nunes mak  promove  ba ofisial superior,``esplika  Xefi Estadu Maior FALINTIL Forsa Defeza Timor-Leste Major Jeneral Lere Anan Timur liu husi diskursu, iha seremonia aniversariu FALINTIL ba dala 42, ne'ebé hala´o iha Kuartel Jeneral F-FDTL, Fatuhada Díli. Tema selebrasaun  FALINTIL, iha tinan 2017  ne´e mak hatene hadomi hatene servi. ``Husu ba imi liu-liu ba ofisial  hakraik a´an labele ansi demais imi nia  tempu sei to´o husu imi nia loyalidade, halakon egoismu, husu ba  imi atu halakon baidade ka imi nia arogansia paz parte vida joventude nian,``dehan Lere. Nia dehan,  FALINTIL hatene  hadomi, hatene servi rai Timor no  hadomi povu  ho responsabilidade no disiplina. Entretantu tema selebrasaun aniversariu FALINTIL ba tinan ida ne´e mak “Hatene hadomi hatene Servi” Marka preZensa iha seremonia ne´e mak Primeiru Ministru, Rui Maria de Araújo, SeKretariu Jeral Partidu FRETILIN, Mari Alkatiri, no  membru VI Governu Konstituisional no bainaka husi internasional sira.avi


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker