GMN TV Justica e Segurança SISTEMA JUDISIÁRIU TL LA’O LA TUIR KONSTITUISAUN

SISTEMA JUDISIÁRIU TL LA’O LA TUIR KONSTITUISAUN

0 views

Diretor Ezekutivu Organização Não Governamental, Asia Justice and Rights (AJAR), José Luis Oliveira, observa katak Timor-Leste (TL) nia sistema juidisiáriu ba kazu korupsaun seidauk la’o ho justu no dignu. “Mezmu sistema juidisiáriu iha Timor-Leste balun la’o hanesan ita hotu hatene katak João Câncio  no Lucia Lobato tama ona kadeia, maibé tanba sá maka Vicente Guterres (Eis Prezidenti Parlamentu Nasional) la tama kadeia no Emilia Pires (Eis Ministra Finansas) halai se’es tiha husi Justisa ne’e,”Diretor Ezekutivu AJAR ba Grupo Média Nacional (GMN) foin la-lais ne’e iha nia knaar fatin Farol-Díli. Nia esplika, ne’e signifika halo traisaun ba konstituisaun República Democrática de Timor-Leste (RDTL), tanba iha lei artigu 16 konstituisaun ne’e sita katak ema hotu iha lei oin hanesan de’it. “Justisa ba ema koruptor sira iha Timor ne’e la’o, maibé diskriminativu tebes, tanba kazu korupsaun ne’ebé envolve deputadu balun no ministru balun sira lakohi prosesa, maibé ba ema sira seluk prosesu justisa la’o,” dehan José Oliveira. Nia akresenta katak, kazu korupsaun ne’ebé envolve mós pesoal deputadu III lejislatura ninian to’o agora la la’o, hanesan kazu korupsaun akizisaun kareta ne’ebé envolve eis prezidente Parlamentu Nasional III lejislatura Vicente Guterres. “Agora dau-daun mós sira halo ona leilaun ba kareta sira ne’e la tuir regras Partimoniu Estadu ninian, nune’e ita konsidera korupsaun, tanba tuir kódigu penal ne’e abuzu poder,” haktuir Diretor Ezekutivu AJAR ne’e. Nia subliña mós katak, sé Estadu ne’e konsistente ho prinsípiu ema hotu iha lei ne’e hanesan, tuir loloos sé maka komete korupsaun tenki prosesu hotu ba tribunal. “Kazu Emilia Pires nian ne’e bele dehan ita nia boot sira hatudu momoos sira laiha vontadi no sira hakarak halo duni diskriminasaun ba implementasaun lei,” haktuir José Oliveira.Ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker