Servisu Intelejensia no anti Fraud Alfándega ho FALINTIL Forsa Defeza Timor-Leste (F-FDTL) husi unidade Polísia Militar (PM) kaptura sidadaun Indonesia nain 4 no Timor oan nain tolu no prende mós Ro ai rua, ne´ebé mak transporta gazolina ilegal jergen rua nulu ho redi tasi iha 30, plampu plastiku 50, fiu rol ida.
Sidadaun Indonesia sira ne´e kaptura tanba tama husi Atambua Indonesia ilegalmente liu husi área marítima ho Ro ai
Alfándega ho unidade Polísia Militar kaptura sidadaun sira ne´e, Kinta loron 23 fulan Agostu maisoumenus tuku 2 madrugada oras Timor-Leste iha área Beacou Postu Administrativu Atabae Munisípiu Bobonaro.
Entre sidadaun nain hitu ne´e, Indonesia nain hat, feto ida mane tolu, mane oan ida minoridade.
Sidadaun Indonesia nain hat ne´e, nain rua hanesan Ro nain, depois nain ruaseluk tan nu´udar fen laen no oan, ne´ebé mak atu mai familia balun iha Atabae, maibe kaptura husi Servisu Alfándega no Polísia Militar.
Servisu Alfándega ho Polísia Militar, transporta ona evidensia hanesan Ro ai rua ho evidensia mina rai ho redi tasi no plamu inklui fiu rol ida mai ona iha Alfándega nasionál Díli
Alende evidensia sira ne´e, sidadaun nain hitu, Indonesia nain hat no Timor oan nain tolu submete kedas ba iha prosesu investigasaun, iha Alfándega Nasionál Díli hafoin entrega prosesu kontinuasaun ba Servisu Investigasaun kriminal nasionál Kuartel Jeral PNTL.
Diretor Nasionál Intelejensia no Anti Fraud Dionisio da Cruz Pereira hateten, servisu Alfándega nota katak, sigaru stiker no ho gazolina ne´ebé mak serkula iha merkaduria Timor-Leste,
Servisu intelejensia no Anti Fraud nota la selu taxa ba Estadu. Tanba ne´e Servisu intelejensia no Anti Fraud ko´opera ho Polísia Militar no servisu Infomasaun aluga Ro pekador hodi hala´o operasaun iha Kinta /23/08/18) kalan maisoumenus tuku rua madrugada oras Timor-Leste konsege kaptura ema nain hitu no prende Ro rua mina rai jergen rua nulu redi tasi iha 30, plampu plastiku 50 fiu rol.
``Normalmente ami halo operasaun durante fulan ida ona ba merkaduria sira ne´ebé mak ilegal, tanba husi Alfándega nota katak, husi merkaduria barak tama iha Timor, liu-liu hanesan sigaru ne´ebé ho stiker gazolina tipu koor kinur ne´e barak mak serkula iha Díli iha fatin hotu, mas Alfándega nota katak, sira la selu taxa ba Alfándega, entaun Alfándega parte risku intelejen no anti Fraud ninian hare´e buat ne´e iha problema no Estadu lakon reseitas barak liu husi rezultadu buat sira ne´e, tanba sigaru ho minarai ne´e tasa ne´e bo´ot. Entaun ami forma ami nia ekipa ne´ebe intelejen Anti Fraud Alfándega halo ko´opera ho Polísia militar servisu informasaun sekreta aluga Ro ai hodi tama ba tasi laran hodi kaptura ema nain hitu sira ho mina rai ilegal lori mai Díli hodi halo investigasaun,``Diretor Nasionál Intelejensia no Anti Fraud Dionisio da Cruz Pereira, ba jornalista sira Kinta (23/08/18) iha edifisiu Alfándega taun Colmera Díli.
Antes ne´e, liu husi operasaun, servisu Intelejensia no Anti Fraud husi Alfándega/ prende ona mina rai toneladas sanulu resin, iha Beacou Postu Administrativu, Munisípiu Bobonaro, entrega ona ba Polísia hodi hodi submete ba prosesu investigasaun.avi
