GMN TV Justica e Segurança KAZU BETO, PNTL SUSPEITA ONA EMA BALUN

KAZU BETO, PNTL SUSPEITA ONA EMA BALUN

0 views

Polísia Nasionál Timor-Leste (PNTL), Munisípiu Díli, suspeita ona ema balun ne´ebé mak deskonfia  sai hanesan suspeitu hodi tuda mate Gabriel Ximenes Gaio de Araújo iha  área Beto, Suku Comoro,  Postu Administrativu Dom Alexio, Munisípiu Díli, foin lalais ne´e.

``Loron tolu ba kotuk ha´u hateten katak, ami suspeita ema balun ona ba akontesimentu ida  ne´e.Tanba  ne´e mak iha ami nia meja iha mós relatoriu prosesual ne´ebé mak seksaun investigasaun Dom Alexio nian halo i komando jeral mós halo apresiasaun loke nafatin prosesu  investigasaun tanba husi lista  pesoal ne´ebé mak Komando suspeita ami sei fortifika liu tan tanba ami suspeita sira balun iha lista ida ne´e,``esplika Segundu Komandante PNTL Munisípiu Díli, Euclides Belo, ba jornalista sira Sesta (03/08/18) iha Kuartel PNTL, Caicoli, Díli.

Kona-ba prazu atu halo kapturasaun ba ema sira ne´ebé mak suspeita hela, Euclides Belo responde hodi dehan, la termina iha lei.

``Maibe ami sei esforsu hodi  halo investigasaun maximu liu hodi bele hatene lolos suspeita sira deskonfia involve iha kazu ne´e ka lae,``dehan Euclides Belo.

Antes ne´e  sasin Rozalina  Viegas  da Costa deklara katak, iha akontesimentu  ema tuda mate Gabriel Ximenes Gaio de Araújo, iha  área Beto  nia  hetan suspeitu sira helik  iha rin eletrisidade mak hodi tuda sira nain rua iha motor leten hodi monu tun ba estrada laran.

Kazu  ne´e akontese, akontese Sabadu (28/07/18) maisoumenus tuku tolu madrugada oras Timor-Leste,  wainhira  Gabriel Ximenes Gaio de Araújo, nu´udar matebian ho vítima Rozalina  Viegas  da Costa, fila husi festa kazamentu ida iha Delta Nova,  ho motorizadas liu husi área Rotunda Lafatik Comoro hodi tesik fali mai área Beto kuruzamentu hafoin mak hetan tuda husi suspeitu sira.

Nune´e Leonel Gaio  Ximenes nu’udar matebian Gabriel Ximenes Gaio de Araújo nia maun ba keisa ona iha  Eskuadra Polísia Dom Alexio Comoro hodi nune´e buka suspeitu sira bele kaptura nune´e bele lori kazu ne´e ba oin.avi

 


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker