GMN TV Justica e Segurança KAZU TIRU IHA MALIANA, KOMANDANTE F-FDTL POSTU TUNUBIBI DETEIN IHA SELA

KAZU TIRU IHA MALIANA, KOMANDANTE F-FDTL POSTU TUNUBIBI DETEIN IHA SELA

1 views

Komandante FALINTIL-Força Defesa Timor Leste (F-FDTL) Postu Tunubibi, Munisipiu Bobonaro, detein ona iha sela Polisia Militar (PM) hodi submete ba prosesu investigasaun kazu tiru malu entre pesoal membru F-FDTL ho pesoal membru PNTL  husi Unidade Bataleaun Ordem Publiku (BOP) iha Maliana, foin lalais ne’e.

Xefe Estadu Maior FALINTIL Forsa Defeza Timor-Leste (F-FDTL) Major Jeneral Lere Anan Timur,  hateten, nia haruka detein komandante F-FDTL ne´ebé mak komanda membru sira iha Postu Tunubibi iha sela Polísia Militar, Kintal Boot, Díli.

``Kona-ba situasaun  ne´e horseik (horbairuak) kedas ha´u haruka detein komandante Kapitaun  ne´ebé mak komanda  sira  iha Tunubibi, agora iha sela Polísia Militar,``esplika Lere Anan Timur, ba jornalista sira Kuarta (08/08/18) iha Palasiu Prezidensial Bairo-Pite Díli.

Tanba  ne´e  Lere  husu ba se de´it labele intervein ninia desizaun kona-ba detein iha sela Polísia Militar to’o remata hodi submete ba  prosesu  investigasaun atu nune´e Komandante ténki responsabiliza.

``Ha´u rona   iha ne´eba  ne´e  lanu tiru,  membru Polísia mós lanu,  membru F-FDTL mós lanu,  ha´u dehan ida  ne´e  ita labele admiti iha instituisaun até próprio regra nian militar labele hemu tua sai lanu,  primeiru hatais farda, segundu ó la hatais farda mós reprezenta nafatin instituisaun, entaun ida  ne´e mak grave tiru sala ona, lanu mós sala no sira-nia sala mós ténki responsabiliza, mas hanoin la´os ameasa bo´ot ba Timor,``dehan Lere.

Ho akontesimentu ne´e, Lere husu deskulpa ba komunidade  katak, normal la´os ema seluk mak komete sala, maibe  imi-nia  oan sira mak  komete sala.

Relasiona ho kazu ne´e Komando Jeral Polísia Nasional Timor-Leste (PNTL) ho FALINTIL Forsa Defeza Timor-Leste (F-FDTL) sei foti medida forte ba pesoal   Batallaun Orden Públika (BOP) no pesoal husi FALINTIL Forsa Defeza Timor-Leste (F-FDTL) ne´ebé mak involve tiru iha Postu Administrativu Maliana, Munisípiu Bobonaro.

Iha akontesimentu ne´e deskonfia membru BOP ho F-FDTL tiru ameasa sa’e ba loron leten. Kazu  ne´e akontese hafoin   autoridade seguransa sira hala´o hela kna´ar hodi asegura seguransa ba iha  konsertu festival Bintang  2018, iha kampu  Jinaziu  Maliana  kalan  mais ou menus  tuku  11:00  kalan oras Timor-Leste  iha Maliana Vila.

Relasiona  ho akontesimentu  ne´e parte Komando PNTL no F-FDTL haruka  ona ekipa investigasaun konjunta husi instituisaun seguransa no defeza  ba ona Maliana  Domingu (05/08/18)  hodi halao kedas enkontru parte hotu tantu Administrador Munisípiu ho Prezidente Autoridade Munisípiu no  mós parte PNTL  nian no F-FDTL.avi


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker