GMN TV Justica e Segurança Membru F-FDTL involve kazu Maliana, Lere haruka detein tan iha sela PM

Membru F-FDTL involve kazu Maliana, Lere haruka detein tan iha sela PM

Xefe Estadu Maior FALINTIL Forsa Defeza Timor-Leste (F-FDTL) Major Jeneral Lere Anan Timur, haruka detein tan membru F-FDTL sira iha sela polísia Militar Kintal Boot Díli hamutuk ho sira-nia Komandante Postu Tunubibi no mos kapitaun Costa hodi submete ba  prosesu investigasaun.

“Uluk ne´e atu retira ona  forsa sira husi Tunubibi, maibe tanba momentu  ne´eba kareta mina laiha ne´e mak horseik (horbainrua) sira konsege hetan mina oituan sira ba tula mai  hotu-hotu detein iha PM para investiga se mak involve diretamente, se mak la involve fila ba komponente, se mak involve metin iha PM atu hein desizaun ha´u nian, ida disiplinar ha´u  sei toma kriminal haruka ba Tribunal,``esplika  Xefe Estadu Maior FALINTIL Forsa Defeza Timor-Leste (F-FDTL) Maior Major Jeneral Lere Anan Timur,  ba jornalista sira Kuarta (15/08/18), hafoin enkontru semana ho Prezidente Repúblika Francisco Guterres Lú Olo iha Palasiu Prezidensial Bairo-Pite Díli.

Kuandu akontese kazu tiru  iha Malaina, Lere dehan, kuandu akontese kazu Maliana,  nia informa kedas ba públiku kona-ba akontesimentu ne´e.

```Kuandu  akontese kazu Maliana ha´u  hakarak esklarese ba  politiku sira ba ONG no komunidade katak, ha´u duru ha´u puni kedas Komandante Postu Tunubibi kapitaun Costa  fó detensaun ba nia agora dadauk  iha sela PM,  ne´e punisaun ba ofisial  ne´ebé mak todan too prosesu ne´e remata nia involvidu  nia kareira mate. Ministru Defeza dehan nia ne´e rensidente bebéik ona lanu ne´e bebéik ona ketak iha Maliana mak nia halo tan ha´u bele toma desizaun bele fó separasaun de servisu pena maximu  ne´ebé mak ha´u fó ba militar sira i agora militar sira mak hamutuk ho nia,``dehan Lere Anan Timur.

Lere mós dehan,  bainhira kazu ne´e sei iha prosesu investigasaun husu públiku atu labele ansi.

``Situasaun Maliana  ha´u hateten ba señor Prezidente Repúblika prosesu la´o hela la´os loron ida oras ida ita atu rezolve  ne´e laiha. Ne´e mak ha´u  husu ba komunidade husu ba politiku sira lalika ansia, Timor ne´e  ita nian  ona, entaun ita nia uma laran  ita rezolve  ho kalma para  ita rezolve kazu ne´e ho didiak,``dehan Lere Anan Timur.

Antes ne´e Komandante Jeral PNTL Komisariu Julio Hornay hateten, posibilidade iha semana ne´e Komando PNTL ho F-FDTL sei foti ona medida  ba membru autoridade seguransa no defeza ne´ebé mak  involve tiru iha Maliana.

Ministru Defeza Filomeno Paixão hateten, sei la tolera membru ne´ebé involve iha kazu ne´e.

Kazu ne´e akontese hafoin  autoridade seguransa sira hala´o kna´ar hodi asegura konsertu festival Bintang  2018 iha Gimnajiu  Malaina  Sabadu kalan  tuku  11:00.avi


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker