Komandante Jeral PNTL Komisariu Julio Hornay, hateten, situasaun jeral kona-ba seguransa iha teritoriu Timor-Leste (TL) la´o kontroladu.
``Situasaun seguransa em geral la´o kontroladu, laiha problema ne´ebé mak boot ita presiza tau atensaun imediata ka halo atuasaun ka prevensaun, maibe situasaun em geral la´o hakmatek,``esplika Komandante Jeral PNTL Komisariu Julio Hornay, ba jornalista sira Segunda (13/08/18) iha Kuartel Jeral, PNTL, Díli.
Julio Hornay hatutan, apezar kazu ne´ebé mak akontese hanesan bain-bain violensia doméstika joven sira hemu tua lanu depois hamrik tuda malu ka baku malu Polísia marka prezensa hodi atende problema hirak ne´e.
``Balun ita konsege lori ba prosesu, suspeitu balun Polísia to´o iha fatin akontesimentu sira halai lakon. Informasaun iha terenu la temi suspeitu sira nia naran ita sei buka informasaun hodi kaptura apezar ida ne´e hein mandadu husi Ministériu Públiku para depois ita ezekuta,``dehan Julio Hornay.avi
