GMN TV Justica e Segurança TIRU IHA MALIANA, KOMANDO PNTL HO F-FDTL SEI FOTI MEDIDA RIGOROZU

TIRU IHA MALIANA, KOMANDO PNTL HO F-FDTL SEI FOTI MEDIDA RIGOROZU

0 views

Komando Jeral Polísia Nasional Timor-Leste (PNTL) ho FALINTIL Forsa Defeza Timor-Leste (F-FDTL) sei foti medida rigorozu hasoru pesoal   Batallaun Orden Públika (BOP) no pesoal husi FALINTIL Forsa Defeza Timor-Leste (F-FDTL) ne´ebé mak involve tiru iha Postu Administrativu Maliana, Munisípiu Bobonaro.

Kazu  ne´e akontese, hafoin   autoridade seguransa sira hala´o hela knaar hodi hodi fo seguransa ba konsertu festival Bintang 2018, iha kampu  Jinaziu  Maliana  kalan  maiz ou menus  tuku  11:00  kalan oras Timor-Leste iha Maliana Villa, derepenti mosu tiru husi membru PNTL ho F-FDTL sa’e ba loro leten, maibe kazu ne’e nia kronolojia oinsa no tamba sa? sei iha prosesu investigasaun.

Relasiona ho akontesimentu ne´e parte Komando PNTL no F-FDTL haruka  ona ekipa investigasaun konjunta husi instituisaun seguransa no defeza  ba ona Maliana, Domingu (05/08/18), hodi hala’o kedas enkontru parte hotu tantu Administrador Munisípiu ho Prezidente Autoridade Munisípiu no mós parte PNTL  no F-FDTL.

``Ohin (horseik) ekipa investigasaun  konjunta sira komesa ona hala´o servisu investigasaun nune´e komando foti medida ne´ebé forte ba aktu ida  ne´e,``esplika Komandante Jeral PNTL Komisariu Julio Hornay, ba jornalista sira Segunda (06/08/18), iha Kuartel Jeral PNTL Díli.

Tuir Julio Hornay, arma   ne´ebé  mak PNTL  ho FDTL uza   hodi hala´o servisu la´os uza atua ameasa fali  malu,  ou  la´os uza atu uza hodi  hatauk  fali povu.

``Tanba   ne´e mak Komando   rua  ne´e mantein nafatin ninia posizaun foti medidas regorozu ba institusiaun rua ne´e ninia ema bainhira  komete aktus ruma   ne´ebé mak fora de regras fora de buat ida instituisaun nia misaun, ``dehan Julio Hornay.

Kona-ba pesoal  PNTL  hira mak involve iha kazu tiru iha Maliana  ne´e? Julio Hornay responde hodi hateten, rezultadu  investigasaun mak sei  determina se mak involve iha  kazu  refere.

Enkuantu ba arma  ne´ebé mak pesoal  sira utiliza hodi  tiru, rekolla hotu ona sai evidensia hodi nune´e  ekipa investigasaun bele loke  prosesu  investigasaun.

Kona-ba  kronolojia ba akontesimentu ne´e Komandante Jeral PNTL Komisariu Julio Hornay sei la esplika ba  públiku importante  liu  ba povu tomak katak,  forsa komando rua haruka ona ninia investigasaun ba terenu.

``Rezultadu investigasaun hotu mak  ita sei koalia detallu kronolojia  ne´e mai  husi ne´ebé? tanba hemu lanu ka ou asuntu seluk foin ita hatene klaru para  depois komando foti medida, klaru komando sei foti medida forte tebes, tanba lakohi instituisaun rua ne´e nia ema halo problema  iha públiku,``dehan Julio Hornay.

Lider máximu instituisaun PNTL ne´e mós apela ba  povu tomak atu hakmatek hala´o atividade normal, tanba komando sei foti medida forte ba kazu ne´e.

Entretantu situasaun ikus  iha Postu Administrativu Maliana oras  ne´e la´o kontroladu.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker