GMN TV Justica e Segurança UPM HASAI ONA FITA KOLA IHA RO NRTL

UPM HASAI ONA FITA KOLA IHA RO NRTL

0 views

Komandante Unidade Polísia Marítima (UPM) Superintendente  Lino Saldanha, orienta ona ninia  membru  hasai fita kola  ne´ebé mak antes ne´e  hodi taka naran Ro NRTL Kay Rala Xanana, ne’ebé hetan oferta husi Governu China.

``Ro  ne´e seidauk  entrega, husi Governu China ba ita tanba  prosesu tomak ami hein hela, kuandu Governu los  ona, Ministru  ne´ebé mak orsida  nomeia ba Interior  atu finaliza halo ona prosesu de entrega husi Embaixada China mai Governu Timor-Leste,``esplika Komandante Unidade Polísia Marítima superintendente  Lino Saldanha ba GMN Tersa (07/08/18) iha Kuartel Unidade Polísia Marítima (UPM)   Sional Díli.

Lino Saldanha hatutan, Ro ne´e mai iha loron 16, fulan Maiu, tinan ne´e, VII Governu husu atu cola  taka  ho isolasi para naran ne´e ema hotu lalika haree to’o tempu  entrega ona mak loke naran ne´e para komunidade bele haree katak, naran ne´e mak klaru.

``Pergunta  ne´ebé mak ita husu mai ha´u Ro ne´e apaga ne´e laiha, ita boot sira ho kamera bele ba leno Ro ne´eba ne´e señor Kay Rala Xanana nia naran mak hakerek iha ne´eba no ne´e desidi iha Sestu Governu momentu  ne´eba Señor Ministru Interior Longuinhos Monteiro nia tempu mak desidi, la´os Governu China mak desidi,  Governu China ne´e ema  fó de´it,  ita mak desidi hodi tau naran Kay Rala Xanana, mai fali iha VII Governu haruka taka de´it naran ne´e ema labele hatene lai tanba  Governu China seidauk entrega mai ita. Ami hein hela Ministru  Interior ida ne´ebé mai para lalais ona halo prosesu intrega husi Governu China mai ita,``dehan Lino Saldanha.

Enkuantu kona-ba deputadu sira koalia iha Parlamentu Nasional  ne´e, Lino Saldanha, dehan, ida ne´e polítiku sira-nia dever no obrigasaun atu koalia sai.

``Maibe ami   hanesan  seguransa  espera katak, se bele karik  nai ulun sira koalia politika  ne´e  ténki hatoman a´an ho investigativu ténki bazeia ba data kuandu ita koalia la bazeia ba data ladun diak, ne´e dala ruma ema hamnasa fali ulun boot sira-nia koalia iha televizaun, ha´u espera katak debate  ne´ebé mak la’o iha Parlamentu diak bele sai hanesan politiku nian duni no fatin ne´ebé atu koalia buat los atu nune´e labele kria konfuzaun ba públiku,``dehan Lino Saldanha.

 Lino Saldanha mós, rejeita informasaun balun  ne´ebé mak publiku lansa dehan hamos naran Kay Rala Xanana tau fali naran seluk iha Ro NRTL.

``Ita boot sira bele haree tanba ami koalia bazeia ba dadus, ha´u komandante Superintendente ha´u hakarak hato’o ba nai ulun sira polítiku atu koalia hotu ho investigativu ho  dadus para nune´e ita boot sira-nia polítika ne´e  ema bele haree kapaas atu bele dezenvolve,``dehan Lino Saldanha.

Ro NRTL to’o DílI  iha loron 16, fulan Maiu, tinan ne´e, ho ekipamentu  funu kompletu.

Ro ne´e ho medida naruk metru 41 no luan  metru 6,8 kompostu ho mákina haat ho fasilidade kompletu hanesan  kuartu 6, kama toba 24, sala enkontru ida,  hariis fatin  no kuziña.

Oras ne’e dadauk Ro ne’e hanaran nafatin NRTL Kay Rala Xanana, maske uluk la hanesan ne’e.

Antes ne´e  eis Ministru Defeza no seguransa José Agostinho Sequeira `Somotxo` hateten, desizaun hamos naran Ro NRTL Xanana ne’e liu husi reuniaun Konsellu Ministru VII Governu konstitusional.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker