GMN TV Justica e Segurança FMTL hala’o asaun pasífiku kontra esbosu lei kriminaliza difamasaun

FMTL hala’o asaun pasífiku kontra esbosu lei kriminaliza difamasaun

0 views

Front Mahasiswa Timor-Leste (FMTL), Segunda (03/08/20),  hala’o asaun pasífiku kontra Ministru Justisa (MJ), Manuel Cárceres, atu labele lakon tempu ba diskute esbosu lei kriminaliza difamasaun. Tanba lei ne’e rasik sei hamate liberdade espresaun no liberdade imprensa povu tomak ni'an.

Asaun pasífiku ne’e sei hala’o iha  resintu Muzeu Rezisténsia  Timor-Leste, Díli.

Koordenadór Front Mahasiswa Timor-Leste, Josélino Pereira, hateten, FMTL realiza ona enkontru ho PNTL iha Kuartel Jerál PNTL Caicoli, Díli, Kinta (30/07/20)  hodi husu ona autorizasaun ba PNTL  atu asegura seguransa ba asaun pasífiku ne’ebé mak sei sei hala’o iha Muzeu Rezisténsia oin, hodi kontra Ministru Justisa kona-ba esbosu lei kriminaliza difamasaun.

Tuir Koordenadór FMTL ne’e, esbosu lei kriminaliza difamasaun rasik sei fó impaktu ba Timor-Leste iha futuru oin mai, ho razaun hirak ne’e,  FMTL buka meius oin-oin, hodi hapara  lei refere.

“Agora ita koalia kona-bá injuria ona iha kódigu penal, artigu 275. Tanba  ne’e mak FMTL ita la merese kriminaliza difamasaun, tamben mós ita mós tenke hatene katak, ita nia nasaun Timor-Leste iha referénsia luta iha ne’ebé mak ita nia gerilleiru luta iha tempu ne’ebá mós sira na’in hira luta ba nasaun ne’e nia liberdade ho meus ida ne’ebé liberdade esprésaun. Tanba ne’e mak  iha rekomendasaun ida Komisaun Amizade Verdade Rekonsiliasaun ida sira hatama relatóriu sira rekomenda  katak,  labele kriminaliza difamasaun, tenke rekoñese katak, kazu sivil tenke mantein ho sivil, nia labele fila-fali ba penal. Tanba ne’e, mak FMTL haree katak, esbosu lei kriminaliza difamasaun ne’e la merese atu eziste iha nasaun Timor-Leste”, esplika Koordenadór FMTL ne'e ba  jornalista sira, Domingu (02/08/20), iha  Asosiasaun HAK, Farol, Díli.

Nia dehan, Timor-Leste mós ratifika konvensaun internasionál, liu-liu koalia kona-bá paktu internasionál direitu  sivíl no polítika mós hateten ona kualker nasaun ida mak ratifika konvensaun ida ne’e merese atu kriminaliza difamasaun, husik kazu sivil mantein ho sivil.

Tanba ne’e mak FMTL haree katak, esbosu lei kriminaliza difamasaun ne’e fó impaktu boot tebes, inklui fó impaktu ba jornalista sira. Iha artigu 40-41 tantu artigu 52 mós fó dalan liberdade opiniaun no liberdade esperesaun.

“Agora ita koalia kona-bá papel jornalista ni'an regula tiha ona iha artigu lei númeru 5/2014, tanba saída mak ita ba kriminaliza tan. Ita hamosu tiha ona lei númeru 1/2016, hodi kriminaliza ema nia liberdade opiniaun, agora ita ba kriminaliza uza esbosu lei difamasaun, ha’u hanoin ida ne’e la merese”, dehan Josélino.

Alende ne’e Porta-Voz Polísia Nasionál Timor-Leste (PNTL), Superintendente Xefe Arnaldo Araújo, hateten, PNTL autoriza FMTL realiza asaun pasífiku, maibé tenke ho disiplina no dook husi edifisiu públiku Estadu metru 100.

“Ita hatene katak, lei númeru 1 autoriza kualker sidadaun ida halo manifestasaun iha públiku, maibé dala ida tan, ha’u hateten katak, sira mós tenke kumpre artigu númeru 5/2017, armas branka”, dehan Arnaldo.

Komandante ne’e mós akresenta, PNTL sei hatun forsa seguransa ne’ebé mak ho kuantidade boot, hodi asegura asaun pasífiku refere. avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker