Komisaun Anti Korupsaun (KAK) rekomenda ba Ministériu Solidariedade Sosial no Inkluzaun (MSSI), atu eksklui tiha lista reklamante benefisiáriu ne’ebé foin rejista durante periodu pagamentu.
Rekomendasaun hosi ekipa konjunta kompostu hosi KAK, Provedoria Direitus Humanus no Justisa (PDHJ), Inspesaun Jerál Estadu (IJE) Komisaun Funsaun Públika (KFP).
“Ami rekomenda ba MSSI, atu halo deit pagamentu ba lista reklamante benefisiariu sira ne’ebé rejista iha loron 30 fulan Marsu tinan 2020 tuir lei númeru 15/2020 haruka no esklui reklamante foun ne’ebé foin rejista durante periodu pagamentu”,hateten Komisariu KAK, Sérgio Hornai, ba Jornalista sira, Kuarta (06/08/2020) iha Farol Díli.
Komisariu KAK afirma, benefisiariu ne’ebé foin rejista iha periodu pagamentu konsidera hanesan lista ne’ebé potensialmente falsa ka la liu hosi prosesu verifikasaun ida klean.
“MSSI ho Ministériu Administrasaun Estatal (MAE) atu halo publikasaun no anunsia lista reklamantes admitidus sira ba pagamentu tuir mai, durante loron 15 antes halo pagamentu hodi permite reklamasaun no verifika dadus ruma ne’ebé la elejivel ka indikasaun sira seluk”subliña Sérgio Hornai.
Nia realsa, MAE no Autoridade kompotente sira presiza atualiza baze de dadus agregadu familia prioridikamente kada tinan, atu bele asegura baze de dadus agregadu familian sira atualiza hodi mitiga potensia dadus falsa sira futuru.
“MAE tenke hola medida ida rigorozu ba autoridade lokal no komunitaria sira, ne’ebé intensionalmente la kumpri sira nia devr nu’udar autoridade no reprezentante governu nian iha baze. MSSI MAE no Ministériu Finansas atu fó divertensia ba fúnsionariu sira ne’ebé simu salariu mensal a’as liu 500 dolar, maibé kontinua simu subsidiu atu voluntariamente devolve fali osan ne’ebé simu ona ba kofre Estadu iha prazu sira razoavel”.
Bainhira fúnsionariu hirak ne’e la kumpri mak KAK sei loke investigasaun tuir lei. MSSI no MAE tenke halo verifikasaun klean ba benefisiariu reklamante subsidiu agregadu familia, tanba tuir observasaun ekipa konjunta iha indisius forte reklamante balun sei ho idade joven no seidauk forma uma kain.
Enkuantu, tuir dadus hosi Ministériu Solidariedade Sosial no Inkluzaun, lista benefisiáriu ne’ebé naran tama iha lista reklamasaun subsidiu agregradu familia hamutuk 14 mil 175. Fel
