Polísia Nasionál Timor-Leste (PNTL) halo ona identifikasaun ba ema na’in nen (6), relasiona ho kazu sunu-uma komunidade ni'an iha Laga, munisípiu Baucau, foin la-lais ne’e.
Antes ne’e, autoridade lokal Xefe aldeia Uasilawa, postu administrátivu Laga, Alberto Pinto Ribeiro, hateten, konfrontu entré Grupu Arte Marisial (GAM) balun iha Laga, rezulta uma komunidade 16 mak hetan sunu, kareta ida, inklui motorizada ida hetan estragus.
Komandante Jerál Polísia Nasionál Timor-Leste, Komisáriu Faustino da Costa, klarifika, konfrontu iha Laga uma lima mak hetan sunu, inklui dapur hamutuk 11.
Husi akontesimentu ne’e, Polísia halo ona identifikasaun ba ema na’in 6, hodi foti sira-nia deklarasaun.
“Tuir relatóriu ne’ebé mak ami hetan husi komand PNTL munisípiu Baucau, uma loloos ne’e iha lima, inklui uma dapur sira ne’e hamutuk 11. Ita identifika ona ema balun, dalaruma atu responde ba ita boot sira kazu Villa Nova nini'an ita bo’ot sira hatene kazu tentativa omisídiu ne’e suspeitu iha ita-nia liman prosesu ona”, esplika Komandante Jerál PNTL, Komisáriu Faustino da Costa ba jornalista sira, Sesta (14/08/20), hafoin partisipa aniversáriu Unidade Espesiál Polísia iha Bairu Pite, Díli.
Kazu konfrontu iha Laga akontese Kinta (13/08/20), madrugada ne’ebé mak deskonfia envolve husi membru Arte Marsiál ne’ebé mak Governu reativa ona. Avi
