GMN TV Justica e Segurança PM Taur preokupa sidadaun hakat liu fronteira ho ilegál

PM Taur preokupa sidadaun hakat liu fronteira ho ilegál

0 views

Primeiru Ministru (PM), Taur Matan Ruak, preokupa ho sidadaun ne’ebé halo movimentasaun ba-mai liu husi dalan ilegál liña fronteira, tanba ne’e presiza kontrola hodi evita ema tama-sai husi dalan ilegál sira ne’e.

“Ida ne’e mak koalia ho PM oinsa mak bele kontrola liu tan fronteira hodi evita ita-nia maluk sira ne’ebé mak iha tendensia atu liu husi dalan klandestina ou ilegál sira, ida ne’e kestaun ida ne’ebé PM preokupa, oinsa mak bele kontrola di-di’ak fronteira”, dehan Brigadeiru Jeneral João Miranda “Aluk”, iha Palásiu Governu, Kuarta (24/08/2020).

Brigadeiru ne’e subliña, sidadaun ne’ebé dau-daun ne’e pozitivu, la’ós ema nasionál, maibé ema estranjeiru.

“Ami koalia uitoan kona-bá situasaun COVID-19 ne’ebé la’o iha ita-nia rai, ita hotu hatene katak, iha situasaun Estadu emerjénsia ida ne’e, ita iha kazu pozitivu COVID-19 na’in 1, maibé kazu pozitivu ne’e la’ós ema nasionál, maibé ema estranjeiru ida, ema ne’e pozitivu, maibé kondisaun di’ak”, afirma Aluk.

Nia hatutan, pesoál hirak ne’ebé dau-daun ne’e halo hela kuarentena, agora komesa reduz tuir programa husi Ministériu Saúde durante loron 17 mak foin loke fronteira, fiar katak, antes loke fila-fali fronteira númeru atualmente iha kuarentena bele reduz ona.

“Ida ne’e mak koalia ho PM, oinsa mak bele kontrola liu tan fronteira, hodi evita ita-nia maluk sira ne’ebé mak iha tendensia atu liu husi dalan ilegál sira, ida ne’e kestaun ida ne’ebé PM preokupa, oinsa mak bele kontrola di-di’ak fronteira”, tenik Brigadeiru Aluk.

Brigadeiru ne’e relata, kona-bá atu estende tan Estadu emerjénsia, nia parte lakohi adianta, tanba ne’e sei diskute iha Konsellu Ministru (KM).

“Kona-bá atu estende tan EE ha’u labele adianta, sei diskute iha KM ita hotu hein, haree katak evaluasaun situasaun ida ne’e mantein ho ritmu ida hanesan ne’e bele estende”, hatutan Aluk.

Nasaun sira ne’ebé iha fasilidade mais avansadu liu, to’o agora sira seidauk iha ai-moruk vásina ni’an, tanba ne’e ba Timor-Leste presiza prevene.

“Maibé ita hotu hatene katak, mezmu ke iha ita nia rai kazu ida deit, maibé moras ida ne’e iha nasaun viziñu iha ita nia sorin, ninia tendensidade ne’e sei maka’as, ida ne’e bolu atensaun ba ita oinsa atu prevene, liu-liu ita nia medidas preventivas tenke forte, tanba ida ne’e mak dalaruma sei  estende tan antesipasaun emerjénsia para ita hakmatek hodi akompaña”, reafirma Brigadeiru João Miranda Aluk. Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker