Prezidente Tribunal Rekursu (PTR), Deolindo dos Santos, haktuir, kona-ba simu rejistrasaun partidu foun husi Ministériu Justisa (MJ), to’o oras ne’e Tribunal Rekursu (TR) seidauk iha komunikasaun ruma ho MJ kona-ba kestaun ida ne’e.
“Buat ne’ebé ita bo’ot sira hakarak hatene, entaun ate agora iha diskuasaun públiku kona-ba atu partisipa iha festa demokrasia agora no iha tinan hirak tuir mai, atu harii partidu polítiku ne’e direitu sidadaun ida idak ninian, importante mak tenke priense rekejitu sira ne’ebé estabelese iha Lei Partidu Polítiku nian, ida ne’e mak importante tebes”, dehan Prezidente Tribunal Rekursu, Deolindo dos Santos ba Jornalista sira Tersa (18/08/2020), iha Palásiu Prezidensial Nicolau Lobato Bairo Píte, Díli.
Nia subliña, saida mak presiza públiku hatene, ho parte interesante sira ne’ebé hakarak harii partidu, maka prosesu atu harii partidu ne’e la’os komesa ho TR, komesa husi MJ, depois to’o ikus buat balun ne’ebé kabe ba kompetensia TR ni'an, tribunal sira hatete tuir buat ruma ne’ebé tuir tribunal nia kompetensia, no tuir lei partidu polítiku nian.
“Agora rekezitus atu harii Partidu Polítikus ne’e, lei Partidu Polítiku nian estabelese rekejistu rasik iha ne’eba, ida ne’e mak tenki ser kumpri, no entantu agora dadauk ne’e seidauk iha komunikasaun ruma husi MJ ba TR katak iha partidu ruma rejista ne’e seidauk iha”, hakotu Deolindo. Oly
