GMN TV Justica e Segurança Sérgio Hornai: Lei MPCC mosu atu reforsa kódigu penal

Sérgio Hornai: Lei MPCC mosu atu reforsa kódigu penal

0 views

Komisáriu Komisaun Anti Korupsaun (KAK), Sérgio Hornai, hateten, lei Medida Preventiva no Kombate Korrupsaun (MPCC-sigla Portugés) mosu atu reforsa no kompleta artigu balun iha kódigu penal.

Sérgio Hornai, hateten, lei MPCC ne’ebé Prezidente Repúblika (PR), Franscisco Guterres Lu-Olo promulga ona nia natureza atu reforsa kódigu penal no kompleta artigu balun husi kódigu penál Timor-Leste. Além de ne’e em termos de penalizasaun Komisaun Anti Korrupsaun  nafatin iha.

“Maibé kbiit ida atu halo detensaun, averiguasaun no investigasaun ne’e lei ne’e iha nanis tiha ona,  ne’e mak lei kódigu penal atribui kompeténsia ba iha Komisaun Anti Korupsaun hanesan Polísia Espesializada para atu haree oinsa maka bele promove no konduz investigasaun sira. Iha natureza detensaun ba arguidu sira ne’e, bainhira ita haree perigu ou nia bele destroe buat ruma sé laiha nia sujeita ba iha prosesu normal, bainhira fraglante de lito ita kaer hodi bele halo prosesu tuir kódigu penal haruka”, Komisáriu KAK ne’e hafoin halo abertura ba Semináriu no aprezentasaun rezultadu monitorizasaun no deskobrimentu sira relasiona ho subsídiu agregadu familiar ba autoridade lokál munisípiu Díli iha Sentru Formasaun Judisiária, Caicoli, Segunda (31-08).

Sergio hateten, Lei ida ne’e mosu hetok halo parseria ida que metin liu tan servisu investigadór KAK nian iha área material kriminal ho Ministériu Públiku (MP), atu bele halo remesas no informa ba iha prosesu investigasaun ne’ebé mak halo hodi submete ba iha MP no MP mak sei promove akusasaun sira ba iha Tribunal.

“Em termos de penalizasaun ita iha koordenasaun ho autoridade judisial, hanesan ita nia konstituisaun repúblika no lei prosesual ne’e hateten, Autoridade Polísia ne’ebé iha investigasaun nian PNSIK, PSIK, Alfadega no Servisu Migrasaun tenke koopera ho MP hanesan titular ba asaun penal ne’e konstituisaun ema ida labele book. KAK nia kompeténsia atu haree de’it ba iha natureza krime sira ne’ebé mak iha relasionamentu ba iha krime korupsaun no mos krime koneksu sira”, esplika Komisáriu KAK ne’e.

Lei MPCC promulga husi Xefe Estadu, iha loron 24, fulan Agostu ne’e no iha loron 26, fulan Agostu, públika kedas iha Jornal da Repúblika. oct


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker