GMN TV Justica e Segurança TDD adia leitura desizaun kazu kazál Timor-Oan

TDD adia leitura desizaun kazu kazál Timor-Oan

0 views

Tribunál Distritál Díli (TDD) adia julgamentu leitura sentensa ba kazu droga ne’ebé envolve arguidu JGB ne’ebé antes ne’e haruka kazál Timor-Oan lori Pil Ectasy sai husi teritóriu Timor-Leste, husi Mota-Ain, Indonésia iha tinan 2019.

Tuir loloos audénsia ne’e, ohin (21/8) tuku 9:00 dader rona leitura, maibé tribunál koletivu husu ba parte Ministériu Públiku (MP) atu junta mós ho aktu teste laboratóriu ba materia droga husi parte Badan Narkotik Nasional (BNN) ni’an hafoin omóloga.

“Buat hotu loos ona, ohin ita submete dokumentu teste ne’e ba tribunál, no tribunál adia sein dia, hein notifikasaun ne’ebé sira konfirma iha loron saída mak marka fali ba julgamentu”, Prokuradór Titulár, Luis Hernanio Rangel, iha TDD, Sesta (21/08/2020).

Enkuantu Prokuradór titulár ba kazu ne’e afirma, adiamentu ba leitura sentensa ne’e seidauk iha data fixu, wainhira iha ona data fixu mak nia parte sei fó sai ba públiku.

Tuir akuzasaun ne’ebé arola husi MP katak, iha loron 29, fulan Maiu, tinan 2019, Polísia Investigasaun Nasionál Narkotika simu informasaun (via whastp upp) husi Polísia Repúblika Indonézia (POLRI) iha Atambua Mota-Ain.

Iha loron ne’eba maiz ou menus tuku 15:30 katak, Polísia Indonézia (POLRI) detein ona kazál Timor-Oan iha Mota-Ain perténsia ba teritóriu Indonézia, tanba lori droga ho tipu Extasy.

Wainhira POLRI halo detensaun no pasa revista ba kazál ne’e detekta katak, sira lori duni droga Pil Extasy husi teritóriu Timor-Leste ho kuantidade 4.874 Pil extasy ho nia modelu ne’ebé hanesan, maibé kór mak la hanesan no balun kor matak, azul no kor kafé.

Wainhira autoridade Indonézia halo pasa revista no halo mós inkéritu ba kazál Timor-Oan ne’e sira deklara katak, arguidu JGB maka haruka sira na’in rua (2) lori printer “mákina imprime” (tau droga iha laran) ne’e ba Indonézia.

Hafoin autoridade Polísia Timor-Leste hatene ona katak, arguidu JGB iha hela Timor-Leste, nune’e, polísia halo kedas detensaun ba arguidu JGB, nune’e iha inkeritu arguidu deklara katak, nia parte mak haruka duni kazal ne’e lori (sasan printer) ba Indonézia atu fó ba ema ne’ebé mak nia identifika ona, ho númeru telefone Indonézia ni’an iha Kupang.

Iha aktu husi MP ni’an ne’e mós haktuir, arguidu hetan sasan droga sira ne’e husi ema Afrikanu ida husi Nigeria ho naran inisiál VCO, modelu atu transforma sasan sira ne’e husi estranjeiru ho nia distinasaun mak nasaun Indonézia, maibé sasan ilísitu sira ne’e tenke tama lai mai teritóriu Timor, liu husi arguidu nia kompañia JVK, hafoin arguidu haruka fali ba Indonézia liu husi Kupang.

Arguidu mós haruka ona sasan ba Indonézia ho nia modelu hanesan ne’e dala tolu ona no sasan sira ne’e mai husi sidadaun Afrikanu VCO ba arguidu hafoin arguidu haruka fali sasan sira ne’e ba Indonézia.

Arguidu simu sasan pakote iha printer (droga iha laran) ho marka EPSON, iha loron 2, fulan Maiu, tinan 2019, husi sidadaun Afrikanu VCO.

Nune’e, iha loron 2, fulan Maiu, tinan 2019 ne’e kedas, arguidu transfere printer (droga iha laran) ne’e ba Indonézia liu husi Mota-Ain Atambua no ema ne’ebé lori mak kazal Timor-Oan ho inisiál JS no nia kaben.

Timor-Oan ho inisiál JS servisu hamutuk ho arguidu iha empreza JVK internasionál, enkuantu arguidu JS ho nia kaben, hetan ona kondenasaun husi nasaun Indonézia, tanba lori sasan ilísitu (dorga ho tipu pil extasy) ne’ebé arguidu JGB mak haruka.

Ho aktu sira ne’e hotu, MP konsidera arguidu halo ho forma livre, deliberada no konsientemente hatene momoos katak, simu husi ema seluk  (rede internasionál), rai no haruka ou transfere sasan ilísitu (droga) atu nune’e, arguidu bele hetan vantajen husi hahalok ilísitu ne’e no arguidu halo duni hahalok sira ne’e hanesan meiu ka instrumentu ida ne’ebé mak aptu no adekuadu.

Arguidu mós hatene hela katak, hahalok ka konduta ne’ebé mak nia halo proibidu tuir lei penál.

Tanba ne’e, MP promove arguidu JGB, hanesan autór materiál ba pratika krime rua (2), hanesanv tráfiku no aktividade ilísitu tuir artigu 7, númeru 1 no krime asosiasaun kriminoza tuir artigu 10, númeru 1, husi lei númeru 2/2017, kona-bá kombate tráfiku ilísitu ho forma konsumadu, ho nia agravasaun tuir artigu 9, alinea E no K, husi lei ne’ebé mak hanesan. Husi krime rua ne’e ninia agravasaun pena tinan 10 to’o tinan 15. Arguidu mós hatene hela katak, hahalok ka konduta ne’ebé mak nia halo proibidu tuir lei penál. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker