Polísia Sientífika Investigasaun Kriminál (PCIC-Sígla Portugés), halo identifikasaun ba suspeitu na’in 3, tanba bosok sidadaun balun, hodi hatama dokumentu no osan montante USD 400.00, hodi hetan kartaun Billete Identidade (BI) husi Embaixada Portugál, nune’e ba servisu iha Inglaterra.
Suspeitu sira inisial DP, AT, no MF, parte PCIC identifika iha loron Tersa (03/08) ne’e, tanba uza modu hanesan servisu iha Embaixada, hodi trata dokumentu hanesan BI ho Narativa hodi halo deslokasaun ba iha rai-liur.
“Sira na’in tolu durante ne’e hanaran-an hanesan funsionáriu iha embaixada balun hodi bosok ita nia sidadaun sira hodi trata dokumentu, entaun ohin ita halo detensaun ba sira no halo identifikasaun ba sira no total vítima ne’ebé mak ita identifika 16 prujudika sira-nia ekonomia ho valor USD 400.00,” hateten Porta-Voz PCIC, Octâvio da Costa Araújo, Tersa (03/08), iha Caicoli-Díli.
Cesaltino Maria Pires hateten, nia parte sai vítima ba aktu suspeitu sira-nia, tanba hatama ona osan USD 400.00 desde tinan 2017, atu hetan BI, maibé ikus la realiza.
“Nia dehan rekejitus atu ba servisu iha Inglaterra mak ne’e, imi mai hatama osan USD 400.00, balun liu, dokumentu mak sertidadaun RDTL tahan ida, kartaun eleitorál tahan ida, nune’e mós ba iha Bilete Identidade” informa vítima ne’e.
Suspeitu na’in 3 ne’e, submete ona ba prosesu identifikasaun, hodi prepara auto notísia, hato’o ba Ministériu Públiku (MP) nune'e hodi hein prosesu kontinuasaun.Avi
