Komisaun Funsaun Públika (CFP-sígla portugés) prosesu ona kazu hamutuk 393, iha tinan 2020 nian, husi númeru ne’e, komisaun konklui ona kazu hamutuk 226, ne’ebé maioria envolve husi Funsionáriu Públiku (FP) hamutuk 5000 resin.
Komisáriu CFP, Faustino Cardoso informa, FP 5000 resin ne’e, 4000 resin mak hetan ona sansaun administrativa.
“Kazu sira tama ne’e, maioria prátika irregularidade funsionál, ka infrasoens funsionais no ida segundu mak abandonu de servisu” konfirma Faustino Cardoso, hafoin relata servisu anuál ba Primeiru Ministru, Taur Matan Ruak, Kuarta (11/08), iha rezidensia Faról-Díli.
No prosesu foun, iha fulan Jullu tinan ne’e, CFP simu tan keixa no prosesu foun hamutuk 91, ne’ebé dadaun ne’e nia prosesu la’o hela.Eca
