GMN TV Justica e Segurança Deskonfia ajente polísia ida baku joven na’in rua to’o baixa

Deskonfia ajente polísia ida baku joven na’in rua to’o baixa

1,080 views

Joven na’in rua nu’udar suspeitu, deskonfia hetan baku husi ajente Polísia Nasionál Timor-Leste (PNTL) ida, to’o ba baixa iha Hospital Nacional Guido Valadares (HNGV).

Kazu ne’e akontese iha loron 14, fulan ne’e, bainhira mosu problema entre joven sira iha diskoteka ida iha Díli-laran. No iha ajente Polísia balun, uza roupa sivíl, halo atuasaun ba joven na’in rua, ho inisiál SDJ ho DM, no halo agresaun fízika grave, molok lori ba detein iha sela detensaun Caicoli, Díli.

Ho akontesimentu ne’e joven rua iha Domingo (15/08/2021) tenke transfere husi sela detensaun ba sala emerjénsia HNGV hodi hala’o tratamentu intensivu.

“Horikalan  ha’u hetan informasaun husi nia kolega sira dehan,  ha’u nia alin dehan Polísia kaer, entaun ha’u mós hakfodak buka tuir nia maibé la hetan nia paraderu, depois ohin dader mak rona fali dehan ha’u nia alin iha Polísia Caicoli, entaun ha’u konsege fó be’e ba nia hemu ho crispi ida, depois iha tuku  tolu loraik hanesan ne’e médiku sira kontaktu ha’u dehan ita bo’ot nia alin agora baisa iha hospital favor ita bo’ot mai hare’e, ida ne’e mak ha’u senti lamenta tebes”,esplika Família husi parte detidu nian ho inisál JADC, ba GMN, Domingu (15/08), iha HNGV.

Nia dehan, tuir dalan legál kuandu suspeitu halo krime ruma kaptura ba detein iha sela.

“Agora agresaun fízika hanesan ne’e grave mii mos ran, soe foer boot mós araska. Agora nia tau soru. Tuir informasaun alin dehan mai ha’u horikalan nia mate haluha rai tiha mak moris fali. Ami hakarak prosesu tuir dalan legál”,dehan JADC.

Ho kazu ne’e GMN tenta, konfirma ho Segundu Komandante PNTL Munisípiu Díli Superintendente João Sancho Pires, via telefone, maibé la atende kontaktu.

Joven rua ne’e kontinua hala’o tratamentu, iha HNGV no hetan akompañamentu, husi autoridade seguransa.Avi


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker