Membru Unidade Patrullamentu Fronteira (UPF) ida deskonfia, fasilita sidadaun Timor-oan na’in 11 hakat ilegalmente husi fronteira rai, ba Indonézia.
Kazu ne’e akontese, bainhira servisu koordenada PNTL Munisípiu Bobonaro, UPF, Batallaun Ordem Públika (BOP), Komando Operasaun Espesiál (COE-Silg Portugés), hodi kaptura sidadaun na’in 11, iha Sábadu, loron 7, fulan Agostu tinan ne’e, iha Suku Saburai, Postu Administrativu Maliana, Munisípiu Bobonaro.
“Dentro de kapturasaun ida ne’e deskonfia mós katak membru UPF ida mak fasilita atu sira na’in 11 ne’ebé mak iha Komando PNTL Munisípiu Bobonaro, atu ultrapasa” informa Komandante UPF Superintendente Euclides Belo, Sábadu (07/08), iha Kuartel UPF, Nú-Badak, Batugade.
Nia konfirma tan, medida ne’ebé komandu undade foti hasoru membru UPF ne’e mak, submete ba prosesu investigasaun.
“Ami halo konfirmasaun envolve dereta ka lae? informan sira informa mai sira seidauk klarifika loloos, medida ne’ebé ami foti a guarda nia submete ona ba justisa ne’ebé dirije husi UPF” esplika Euclides Belo.
Tuir kronolojia Euclides klarifika, “tanba de’it deskonfia nia utiliza lampra hodi leno” dehan eis komandante PNTL Munisípiu Díli ne’e.avi
