GMN TV Justica e Segurança FALINTIL nia susesu iha luta, konta mós partisipasaun feto

FALINTIL nia susesu iha luta, konta mós partisipasaun feto

21 views

Prezidente Parlamentu Nasionál (PPN), Aniceto Guterres Lopes hatete, durante funu hasoru invazór sira, konta mós feto “buibere”sira nia kontribuisaun no dedikasaun tomak ba FALILTIL, to’o hetan ukun rasik an.

Tanba iha funu laran, frente armada konsidera feto nu’udar ponte importante ida, hodi halo tátika, ligasaun ho frente klandestina no diplomásia, hodi satan no buka dalan ba Timor nia independénsia.

“Iha loron ohin ita tenke temi mós ita-nia buibere sira nia apoiu konsistente ba FALINTIL. La’os buibere barak mak kaer kilat, maibé sira nia apoiu ajuda tebes FALINTIL sira kontinua funu. Barak tebes mak alista sira nia vida no família, iha villa okupada sira, tanba uza sira nia hela fatin rasik nu’udar sentru apoiu ba FALINTIL. Feto barak sai ligasaun ba frente armada, frente klandestina no frente externa,” dehan Aniceto Guterres Lopes, iha komemorasaun aniversáriu FALINTIL ba dala 46, iha Kuartel Jerál F-FDTL, Fatuhada-Díli, Sesta (20/08).

Nia afirma, Xefe Estadu mós apela ba sidadaun hotu atu buka hatene obra koletiva ne’ebé hanaran livru ‘Buibere Hamrik Ukun Rasik An’, tanba obra ne’e deskreve “papel importante feto sira nian iha luta armada no iha kontestu tomak libertasaun nasionál” tenik iha PR nia deskursu.

Ezisténsia FALINTIL hahú iha loron 20, fulan Agustu, tinan 1975, ne’ebé funda husi komité sentrál FRETILIN, hodi fó seguransa ba estadu  soberanu, bainhira deklara unilateralmente proklamasaun independénsia. No transformasaun husi FALINTIL ba F-FDTL iha loron 1, fulan Fevereiru tinan 2001.GMN


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker